امریکی بلاگر سنتھیارچی کی جانب سے وزارت داخلہ کے فیصلے کیخلاف اپیل دائر کرنے کا فیصلہ کرلیا گیا ہے۔
تفصیلات کے مطابق وزارت داخلہ کی جانب سے امریکی بلاگر سنتھیارچی کے ویزہ میں توسیع نہ کئے جانے کے معاملے پر درخواست مسترد کردی گئی تھی جس پر سنتھیارچی نے اپیل دائر کرنے کا فیصلہ کیا ہے۔
امریکی بلاگر نے موقف اختیار کیا ہے کہ دس سال میں پہلی دفعہ ویزا معیاد بڑھانے کی میری درخواست مسترد کی گئی ہے اور درخواست مسترد کرنے کی کوئی وجہ بھی بیان نہیں کی گئی ہے۔
The MoI -under pressure best known to them- has for the first time, in my over 10+ years in Pakistan, rejected my Visa application. No reason has been given. We have a right to file an appeal & will do so. A higher forum must entertain my application & upon merits grant visa.
Advertisement— Cynthia D. Ritchie (@CynthiaDRitchie) September 2, 2020
یاد رہے کہ گذشتہ روز وزارت داخلہ کے مطابق سنتھیا رچی کو 15 دن کے اندر پاکستان چھوڑنے کے احکامات جاری کیے گئے۔
امریکی شہری سنتھیارچی کے ویزے کی مدت 31 اگست کو ختم ہوچکی ہے اور انہوں نے ویزے کی توسیع کے لیے درخواست دی تھی تاہم وزارت داخلہ نے ان کی درخواست کو مسترد کردیا۔
واضح رہےکہ امریکی شہری سنتھیا رچی نے سابق وزیراعظم یوسف رضا گیلانی، سابق وزیر داخلہ رحمان ملک اور مخدوم شہاب الدین پر سنگین نوعیت کے الزامات لگائے تھے جسے وہ پولیس اور عدالت کے سامنے ثابت کرنے میں ناکام رہی ہیں۔
پی پی رہنما رحمان ملک نے اسلام آباد ہائیکورٹ میں اس سلسلے میں ایک درخواست دائر کی تھی جس پر عدالت نے سیکرٹری داخلہ کو سنتھیا رچی کے ویزہ میں توسیع کے معاملے پر فیصلہ کرنے کا کہا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News