حکومت نے فیڈرل بورڈ آف ریونیو (ایف بی آر) کو نان فائلرز کے خلاف پلان بی پر عمل درآمد کے لیے گرین سگنل دے دیا۔
ذرائع ایف بی آر کے مطابق 15 مئی تک پی ٹی اے اور ٹیلی کام کمپنیوں نے نان فائلرز کی سمز بند نہ کرنے پر قانونی چارہ جوئی کا فیصلہ کیا ہے۔
ذرائع نے بتایا کہ ایف بی آر نے 5 لاکھ سے زائد نان فائلرز کی سمز نہ بند کرنے کیخلاف ٹیلی کام کمپنیوں کیخلاف عدالت جانے کا فیصلہ کیا ہے اور پی ٹی اے اور ٹیلی کام کمپنیوں کیخلاف اسلام آباد ہائیکورٹ میں درخواست دائر کی جائے گی۔
ذرائع کا کہنا ہے کہ ایف بی آر نے پی ٹی اے اور ٹیلی کام کمپنیوں کیخلاف درخواست دائر کرنے کیلئے قانونی ٹیم سے مشاورت شروع کردی ہے جب کہ ایف بی آر اور وزارت خزانہ حکام پی ٹی اے اور ٹیلی کام کمپنیوں کیخلاف درخواست دائر کرنے پر متفق ہیں۔
خیال رہے کہ ایف آئی اے نے نان فائلرز کی سمز بند کروانے کا ڈیٹا پی ٹی اے کے سپرد کر دیا گیا تھا لیکن 10 دن سے زائد گزرنے کے باوجود ٹیلی کام کمپنیوں نے سمز بند کرنے کے احکامات پر عمل درآمد نہیں کیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News