وزیراعظم عمران خان کی جانب سے ہدایات جاری کی گئیں ہیں کہ صوبائی حکومتوں کے ساتھ مل کر صوبہ سندھ اور صوبہ خیبر پختونخواہ میں نقصانات کا جائزہ لیا جائے۔

تفصیلات کے مطابق وزیراعظم عمران خان کی زیر صدارت نیشنل کوارڈینیشن کمیٹی برائے فلڈز کا اجلاس ہوا جس میں وزیراعظم کو ملک میں مون سون، مختلف حصوں میں حالیہ بارشوں کی صورتحال پر بریفنگ دی ہے۔

وزیراعظم عمران خان نے کہا ہے کہ ماحولیاتی تغیراتی تبدیلیوں کا مقابلہ کرنے کے لئے تمام متعلقہ وفاقی اور صوبائی اداروں میں بہتر کوارڈینیشن کی ضرورت ہے۔

وزیرِ اعظم عمران خان کی زیر صدارت نیشنل کوارڈینیشن کمیٹی برائے فلڈز کا اجلاس pic.twitter.com/tccZG7xR83

Advertisement

— Prime Minister's Office, Pakistan (@PakPMO) September 7, 2020

وزیراعظم نے کہا ہے کہ ریلیف سرگرمیوں کو مزید بہتر اور نقصانات کا  ازالہ کرنے کے حوالے سے  وفاق اور صوبائی حکومتیں مشترکہ طور پر حکمت عملی تشکیل دیں۔

خیال رہے کہ اجلاس میں شبلی فراز، مراد سعید، فیصل واؤڈا، چیئرمین این ڈی ایم اے، چئیرمین این ایچ اے، چئیرمین فلڈ کمیشن، ڈی جی  میٹرولوجیکل ڈیپارٹمنٹ و دیگر سینئر افسران شریک ہوئے ہیں جبکہ صوبائی چیف سیکرٹریز کی ویڈیو لنک کے ذریعے اجلاس میں شرکت کی۔

 چئیرمین این ڈی ایم کی وزیراعظم کو ملک میں مون سون، مختلف حصوں میں حالیہ بارشوں کی صورتحال پر بریفنگ دی ہے گئی اور بتایا گیا کہ اس وقت تمام دریاؤں میں درمیانے درجے کا بہاؤ ہے۔