آج کا دن تمام مسلمانوں کے لئے انتہائی مسرت کا دن ہے ، گورنر سندھ

شبین رضا

30th Oct, 2020. 01:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج کا دن تمام مسلمانوں کے لئے انتہائی مسرت کا دن ہے ، گورنر سندھ

گورنر سندھ کا کہنا ہے کہ آج کا دن دنیا کے تمام مسلمانوں کے لئے انتہائی مسرت کا دن ہے ۔

تفصیلات کے مطابق عید میلاد النبی ﷺ کے موقع پر خصوصی پیغام میں گورنر سندھ عمران اسماعیل نے کہا کہ عید میلاد النبی ﷺ ہمارے دلوں کے بہت نزدیک ہے ،اس دن اللہ تعالیٰ نے ہمارے پیارے نبی ﷺ کو رحمت اللعٰالمین بنا کر اِس دنیا میں بھیجا۔

گورنر سندھ نے کہا کہ صحابہ اکرام جنہیں حضور ﷺ کی خدمت کا شرف حاصل ہوا انہوں نے سب کچھ پالیا ، حرمت رسول ﷺ ہمیں اپنی جانوں سے زیادہ عزیز ہے ،ہماری کوشش ہونی چاہئیے کہ ہم نبی کریم ﷺ کے بتائے ہوئے راستے کو اپنائیں ۔

عمران اسماعیل کا اپنے پیٖغام میں مزید کہنا ہے کہ اس طرف زیادہ سے زیادہ چلیں جو راستہ ہمارے پیارے نبی ﷺ نے دکھایا، آج کا دن انتہائی عقیدت و محبت سے بھرا، دنیا میں محبت بانٹنے کا دن ہے، ہمارے پیارے نبی ﷺ نے اپنی پوری زندگی میں محبت بانٹی۔