بیگم صفدر ملکہ ٹوئٹر اور سوشل میڈیا کی لیڈر ہیں

شبین رضا

22nd Oct, 2020. 03:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیگم صفدر ملکہ ٹوئٹر اور سوشل میڈیا کی لیڈر ہیں

صوبائی وزیر فیاض الحسن چوہان کا کہنا ہے کہ بیگم صفدر اعوان ملکہ ٹوئٹر ہیں، صرف سوشل میڈیا کی لیڈر ہیں، یہ نیب کیسز سے جان چھڑانا چاہتے ہیں ۔

تفصیلات کے مطابق وزیر اطلاعات پنجاب فیاض الحسن چوہان نے پریس کانفرنس کرتے ہوئے کہا کہ مکس اچار پارٹی تماشہ، آشہ اور بھاشا کے گرد گھوم رہی ہے، مکس اچار پارٹی صفدر اعوان کی بے توقیری پر چیخ رہی ہے۔

انہوں نے کہا نواز شریف بن بلائے مودی کی تقریب حلف برداری میں گئے، بھارتی سٹیبلشمنٹ نواز شریف کی شرکت کے حق میں نہیں تھی، نواز شریف نے مودی کی تقریب میں شرکت کے بعد حریت رہنماؤں سے ملاقات نہیں کی، نواز شریف نے سجن جندال سے ملاقات کو ترجیح دی۔

وزیر اطلاعات پنجاب نے کہا کہ پنجاب نے رواں سال 41 لاکھ ٹن گندم کی خریداری کی، سندھ حکومت نے رواں سال ساڑھے 11 لاکھ ٹن گندم خریدی، گندم پر سبسڈی دے رہے ہیں، مراد علی شاہ کئی سال سے سندھ اسمبلی کے ممبر چلے آ رہے ہیں، عثمان بزدار پہلی بار ایم پی اے اور وزیراعلیٰ بنے ہیں، سندھ میں فلار ملز کو ایک دانہ فراہم نہیں کیا گیا۔

انھوں نے مزید کہا کہ اٹھارویں ترمیم کی غزل سن سن کر کان پک گئے ہیں، جب پولیس نے ایکشن لیا تو یہ چیخنا شروع ہوگئے، اب پیپلزپارٹی ڈبل گیم کھیل رہی ہے، تمام ویڈیوز میں پولیس اہلکار کیپٹن (ر) صفدر کو لے جا رہے ہیں، مذموم ایجنڈے کے تحت اداروں پر تنقید کی جا رہی ہے، فوج ہمیشہ منتخب حکومت کیساتھ ہوتی ہے۔