ہم پہلے کبھی ڈرے نہ اب ڈریں گے، وزیراعلیٰ سندھ

شبین رضا

23rd Oct, 2020. 01:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم پہلے کبھی ڈرے نہ اب ڈریں گے، وزیراعلیٰ سندھ

وزیر اعلیٰ سندھ نے کہا ہے کہ ہم پہلے کبھی ڈرے نہ اب ڈریں گے، آپ کس کو ڈرا رہے ہیں۔

تفصیلات کے مطابق وزیر اعلیٰ سندھ سید مراد علی شاہ نے ہائی کورٹ بار سکھر سے خطاب کرتے ہوئے کہا ہم تو نیب میں پیش ہو رہے ہیں، ہم پہلے کبھی ڈرے نہ اب ڈریں گے، آپ کس کو ڈرا رہے ہیں، ڈر اصل میں انہیں ہے، احتساب سے ہم کبھی نہیں گھبرائے، بطور وزیراعلیٰ سندھ اسمبلی اور عوام کے سامنے جوابدہ ہوں، احتساب بلا امتیاز سب کا ہونا چاہیے یا نہیں ہونا چاہیے۔

وزیراعلیٰ سندھ نے کہا ہے کہ ملک میں قانون توڑنے والوں کے خلاف کھڑے ہیں، ملک کو جب بھی ضرورت پڑی وکلا آگے آئے، پیپلزپارٹی نے ملک کو آئین دیا، وفاقی حکومت جزائر سے متعلق آرڈیننس فوری واپس لے۔

انھوں نے کہا کہ کیس بعد میں بنایا جاتا ہے گرفتار پہلے کرلیا جاتا ہے، ایک سال سے زائد ہوگیا خورشید شاہ گرفتار ہیں لیکن ابھی کیس نہیں بنا۔

مراد علی شاہ نے مزید کہا اس جماعت سے تعلق ہے جس کے بانی نے ملک کو آئین دیا،12 ناٹیکل مائل سمندر کے اندر اور باہر ملنے والے ذخائر صوبے کے ہیں، 12 ناٹیکل مائل تک سمندر کے نیچے ذخائر بھی صوبے کے ہیں۔