مکس اچار پارٹی کا پہلا جلسہ آج بری طرح فلاپ ہو گا ، فیاض الحسن

شبین رضا

16th Oct, 2020. 01:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مکس اچار پارٹی کا پہلا جلسہ آج بری طرح فلاپ ہو گا ، فیاض الحسن

فیاض الحسن چوہان کا کہنا ہے کہ گیارہ مصالحوں پر مشتمل مکس اچار پارٹی کا پہلا جلسہ آج بری طرح فلاپ ہو گا۔

تفصیلات کے مطابق وزیر اطلاعات پنجاب فیاض الحسن چوہان نے اپوزیشن کے جلسے کے ردعمل میں بیانات دیتے ہوئے کہا ہے کہ عوام اور ان پارٹیوں کے کارکنان جھوٹ سچ میں فرق کرنا اچھی طرح جانتے ہیں، عوام عدالتی فیصلوں پر انہیں کندھا فراہم نہیں کریں گے، آج عوام کی جانب سے گوجرانوالہ جلسے میں دلچسپی نہ ہونے کے برابر ہے۔

انہوں نے کہا کہ ان جماعتوں کو چند ہزار افراد اکٹھے کرنے میں ناکامی و نامرادی کا سامنا کرنا پڑ رہا ہے، وزیراعظم کی قیادت میں پاکستان کی تعمیر و ترقی اور معیشت کی بحالی کا سفر جاری رہے گا۔

پاکستان ڈیموکریٹک موومنٹ(پی ڈی ایم)کے پلیٹ فارم سے پہلا پاور شو آج گوجرانوالہ میں ہوگا۔

پی ڈی ایم کے سربراہ مولانا فضل الرحمٰن جامعہ اشرفیہ لاہور ، پیپلز پارٹی کے چیئرمین بلاول بھٹو زرداری کائرہ ہاؤس لالہ موسیٰ ، مسلم لیگ (ن) کی نائب صدر مریم نواز جاتی امراء سےریلی کی صورت میں گوجرانوالہ روانہ ہوں گے ۔

جاتی امرا کے باہر ن لیگی کارکنوں کی بڑی تعداد پہنچنا شروع ہوگئی ہے اور بکروں کا صدقہ بھی دیا گیا ہے۔

جلسہ دوپہر تین بجے شروع ہوگا اور رات بارہ بجے تک اسے ختم کرنا ہوگا۔