وزیراعظم عمران خان کا کہنا ہے کہ ملک میں مہنگائی کی کئی وجوہات ہیں۔

وزیراعظم عمران خان  کا اسلام آباد میں  ٹائیگر فورس کے کنونشن سے خطاب کر  تے ہوئے کہنا ہے کہ روپے کی قدر میں کمی اور ڈالر کی قدر میں اضافہ بھی مہنگائی کی وجہ ہے۔

عمران خان نے کا کہ   ہماری امپورٹ بہت زیادہ ، ایکسپورٹ کم تھی۔تجارتی خسارے کی وجہ سے روپے کی قدر کم ہو جاتی ہے۔ روپیہ کمزور ہوا تو باہر سے آنے والے اشیا بھی مہنگی ہوئیں۔

انہوں نے کہا کہ ماحولیاتی تبدیلی کے حوالے سے پاکستان دنیا کے دس خطرناک ممالک میں شامل ہے۔ماحولیاتی تبدیلی کے باعث دو سالون میں گندم کی پیداوار متاثر ہوئی ہے۔

وزیر اعظم نے کہا کہ  ذخیرہ اندوزی روکنے  کے لیے ٹائیگر فورس کی مدد درکار ہے۔آپ نے کہیں بھی مداخلت نہیں کرنی، بس ایک تصویر لینی ہے اور پورٹل پر ڈال دینی ہے۔ انہوں نے ٹائیگر فورس پورٹل کا بھی افتتاح کیا۔

عمران خان نے کہا   ٹائیگر فورس  کے لیے اپنا کام اور مقام سمجھنا بہت ضروری ہے۔ جب معاشرے پر مشکلات آتی  ہیں تو زندہ معاشرہ کے شہری خود حکومت کے ساتھ مدد کرنے آ جاتے ہیں۔

انہوں نے کہا کہ  جب پاکستان پر مشکل وقت آ جاتا ہے تو یہ قوم اپنے ملک  کے لیے کھڑی ہو جاتی ہے۔انسان جب تک زندگی میں جدوجہد نہیں کرتا وہ لیڈر نہیں بن سکتا۔

وزیر اعظم نے کہا کہ   شریف خاندان اور زرداری دونوں کے خاندانوں کی شوگر ملز ہیں۔ چوروں کی چوری پر ہاتھ ڈالا تو سب اکٹھے ہو گئے۔ رات کو بھی سب نے سرکس میں دیکھ لیا۔

عمران خان نے کہا کہ  جن دو بچوں نے رات کو تقرریں کی تھی ان پر بات نہیں کرنا چاہتا۔ ایک  تو نانی ہو گئی ہے لیکن میری  لیے بچی ہی ہے۔

ان کا مزید کہنا تھا کہ  یہ دونوں اپنے دونوں باپ کی کمائی پر پلے ہوئے ہیں،ان دونوں بچوں نے آج تک ایک گھنٹہ  بھی حلال کمائی نہیں کی۔

وزیر اعظم نے کہا کہ  لندن میں بیٹھ کر جس نے جو گفتگو کی اس پر بات کروں گا۔جب نگلینڈ جانا تھا تو کیا تصویر تھی اور وہاں جا کر کیا تصویر بن گئی۔ شیری مزاری کے آنکھون میں آنسو لانا بہت مشکل کام ہے  لیکن نواز شریف کی تصویر دیکھ کر شیریں مزاری کی آنکھون میں آنسو آ گئے۔