ترکش ایئرلائنز میں کورونا ایس او پیز کے خلاف ورزی کا معاملہ سامنے آنے پر سی اے اے کی جانب سے بڑا ایکشن لیا گیا ہے۔
تفصیلات کے مطابق سول ایوی ایشن اتھارٹی (سی اے اے) کی جانب سے غیر ملکی ایئرلائنز میں ایس او پیز کیخلاف ورزی پر نوٹس لیتے ہوئے ہر مسافر کا کورونا ٹیسٹ لازمی قرار دے دیا گیا ہے۔
سول ایوی ایشن اتھارٹی نے ایس اوپیز کی خلاف ورزی کا نوٹس لیتے ہوئے بی کیٹگری والے ممالک کے پاکستان آنے والے مسافروں کیلئے کورونا ٹیسٹ لازمی قرار دیا ہے۔
یاد رہے کہ ترکی پاکستان کی اے کیٹگری ملک میں شامل ہے جس کے مسافروں کیلئے کورونا ٹیسٹ لازم نہیں ہے۔
تاہم ترکش ایئرلائنز بی کیٹگری ممالک سے متعدد مسافروں کو کونیکٹنگ پروازوں کے ذریعے پاکستان لانے کا انکشاف ہوا ہے جس کے مطابق ترکش ایئرلائنز بی کیٹگری ممالک کے مسافروں کو ترکی لاکر بغیر کورونا ٹیسٹ کے پاکستان پہنچا رہی تھی۔
اس ضمن میں سی اے اے نے ترکش ایئرلائن سے وضاحت طلب کرلی ہے جبکہ سی اے اے کے ڈائریکٹر ٹرانسپورٹ نے ترکش ایئرلائنز کیخلاف پینل ریگولیٹری ایکشن لینے کا عند یہ دے دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News