شادی ہال مالکان نے ہالوں کی بندش کے خلاف عدالت جانے کا اعلان کردیا ہے۔

تفصیلات کے مطابق کراچی اور لاہور کے شادی ہال مالکان کا اس سلسلے میں کہنا ہے کہ کیا جلسوں سے کورونا نہیں پھیل رہا صرف میرج ہالز سے پھیل رہا ہے؟  جیل جانے کو تیار ہیں پر شادی ہال بند نہیں کرینگے۔

ذرائع کے مطابق اس حوالے سے کراچی بینکویٹ ہال ایسوسی ایشن نے 20 نومبر سے شادی ہالز کی بندش کیخلاف احتجاج کی دھمکی دے دی۔

ایسوسی ایشن کے صدر شارق میمن نے مطالبہ کیا ہے کہ حکومت اپنے فیصلے پر نظر ثانی کرے تاہم بصورت دیگر ہم احتجاج کریں گے۔

مزید پڑھیں

جیل جانے کو تیار ہیں پر شادی ہال بند نہیں کرینگے

بینکویٹ ہال ایسوسی ایشن کے صدر شارق میمن نے کہا کہ جیل...

کراچی کے مقامی بینکویٹ میں پریس کانفر نس سے خطاب کرتے ہوئے ان کہنا تھا کہ ہماری انڈسٹری سے وابستہ افراد7ماہ کے طویل عرصے کے لاک ڈاؤن کے بعد ایک بار پھر ہمارے کاروبار کو بند کیا جارہا ہے۔

انہوں نے کہا کہ ہم حکومت سے اپیل کرتے ہیں کہ خدارا اپنے فیصلے پر نظر ثانی کرتے ہوئے یہ فیصلہ فی الفور واپس لیا جائے۔

انہوں نے کہا کہ شادی ہالز کے مرکزی دروازوں پر ماسک اور سینی ٹائزر سمیت تمام ایس او پیز پر بھی عمل کرتے ہیں، انتظامیہ کی طرف سے مختلف شادی ہالوں کو سیل کرنے کا عمل انتہائی افسوسناک ہے اور کورونا ایس او پیز پر عمل کے باوجود ہمیں ہراساں کیا جاتا ہے۔

انہوں نے مزید بتایا کیا کہ ہر شادی ہال سے کم و بیش 40 سے 50افراد کا روزگار وابستہ ہے اگر حکومت نے اپنا یہ فیصلہ واپس نہ لیا تو فاقہ کشی کی نوبت آن پہنچے گی۔

دوسری جانب لاہور میں بھی شادی ہال مالکان حکومتی فیصلے کیخلاف بول پڑے، ان کا کہنا ہے کہ ہم میرج ہالز بند کرنے کے فیصلے کو نہیں مانتے۔