بلاول اور مریم کے بیانات میں کوئی تضاد نہیں ہے، مولانا فضل الرحمان

عروبہ خان

13th Nov, 2020. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلاول اور مریم کے بیانات میں کوئی تضاد نہیں ہے، مولانا فضل الرحمان

سربراہ پی ڈی ایم مولانا فضل الرحمان نے کہا ہے کہ بلاول اور مریم کے بیانات میں کوئی تضاد نہیں ہے، موجود ہ حکومت دھاندلی کی پیداوار ہے جس پر دونوں کا اتفاق ہے۔

تفصیلات کے مطابق ڈیرہ اسماعیل خان میں میڈیا سے گفتگو کرتے ہوئے مولانا فضل الرحمان نے کہا کہ پی ڈی ایم کے جلسے شیڈول کے مطابق ہونگے۔

قبل ازیں سوات میں جلسے سے خطاب میں پاکستان مسلم لیگ ن کی نائب صدر مریم نواز نے کہا ہے کہ ملک میں صاف شفاف الیکشن کرایا جائے اور حقیقی نمائندوں کو لایاجائے۔

مریم نواز نے کہا کہ نالائق اور سلیکٹڈ ہمارے سروں پر مسلط ہے اور سیاسی انتقام میں اتنے اندھے ہوگئے ہیں کہ انسانیت بھی بھول گئے۔

انہوں نے کہا ہے کہ ملک میں مہنگائی کا راج ہے ملک کا امن داؤ پر لگا ہوا ہے اور عوام ان سے جان چھڑانا چاہتے ہیں۔