شریف برادران کی والدہ کی نمازجنازہ آج لندن میں ادا کی جائے گی ۔

تفصیلات کے مطابق سابق وزیراعظم نوازشریف اوراپوزیشن لیڈر قومی اسمبلی شہباز شریف کی والدہ کی نمازجنازہ آج11بجےلندن میں ادا کی جائے گی ۔

ذرائع کے مطابق نماز جنازہ میں صرف خاندان کے افراد شریک ہوں گے۔

لندن میں نماز جنازہ کی ادائیگی کے بعد میت کو آج شام پاکستان کیلئے روانہ کیا جائے گا ۔

میت نجی ایئرلائن کی پروازسے ہفتے کو لاہور پہنچے گی، نواز شریف اور شہباز شریف کی ہمشیرہ اور ان کے دونوں بہنوئی جسد خاکی کے ہمراہ آئیں گے۔

مسلم لیگ ن کے قائد نواز شریف اور شہبازشریف کی والدہ کی تدفین کا معاملہ

شریف برادران کی والدہ کی تدفین کے انتظامات کو حتمی شکل دے دی گئی ہے۔

ذرائع کے مطابق بیگم شمیم اختر کی نمازے جنازہ کل شریف میڈیکل سٹی میں بعد نمازِ ظہر ادا کی جائے گی۔

ذرائع تدفین کمیٹی کے مطابق جنازے کے شرکاء کے لیے کورونا ایس او پیز کے تحت فاصلہ رکھنے اور شریف خاندان کے لیے الگ جگہ مختص کرنے کا فیصلہ۔

لیگی رہنماؤں اور اہم مہمانوں کے لیے بھی الگ جگہ مختص کی جائے گی۔

کارکنوں اور عام عوام کے لیے بڑی گراؤنڈ میں کھلا انتظام کیا جائے گا۔

تدفین کے لیے تین جگہوں کو فائنل کر کے وہاں خار دار تاریں لگائی جائیں گئیں۔

جنازے کے بعد تدفین میں صرف شریف خاندان شرکت کرے گا۔

تدفین جاتی امرا فارم پر میاں شریف کے پہلو میں ہو گی۔

تدفین کمیٹی کا فیصلہ کیا ہے کہ شریف خاندان کے افراد اور چند سنئیر پارٹی رہنما قبر پر جا سکیں گے ۔