پاک سرزمین پارٹی کا آج کراچی کے باغ جناح میں پاور شو ہوگا۔

تفصیلات کے مطابق کراچی کے باغ جناح میں پاک سر زمین پارٹی کے زیر اہتمام عوامی جلسہ کیا جائے گا، باغ جناح میں جلسے کی تیاریاں مکمل کرلی گئیں ہیں، پی ایس پی کے چئیر مین مصطفیٰ کمال خطاب کریں گے۔

جلسے کےلئے120 فٹ چوڑا اور 40 فٹ اونچا اسٹیج تیار کیا گیا ہے،جس کے آغاز کا وقت شام 4بجے رکھا گیا ہے ۔

ذرائع کے مطابق جلسہ گاہ میں پارٹی پرچم، پینافلیکس پر مصطفی کمال کی تصاویر اور بینرز لگائے گئے ہیں جن پر کراچی کے وسائل اور اسے درپیش مسائل سے متعلق مختلف تحریریں درج ہیں۔

جلسہ گاہ پہنچنے والوں کیلئے تین مختلف مقامات پر پارکنگ کا انتظام کیا گیا ہے، عوام کی آسانی کیلئے باغ جناح میں تین بڑی اسکرین بھی لگائی گئی ہیں ۔

مزید پڑھیں

ملک میں اقتدار بچانے اور گرانے کا گیم آن ہے، مصطفیٰ کمال

پاک سرزمین پارٹی (پی ایس پی) کے سربراہ مصطفیٰ کمال نے کہا...

ذرائع کے مطابق پاک سرزمین پارٹی کے صدر انیس قائم خانی کا جلسے سے متعلق میڈیا سے گفتگو کرتے ہوئے کہنا تھاکہ 18  اکتوبر کو 11 جماعتوں نے یہاں جلسہ کیا، پاک سرزمین پارٹی تنہا جلسہ کرے گی آج کا جلسہ کراچی والوں کا جلسہ ہے۔

پی ایس پی ترجمان کے مطابق پی ایس پی سرکاری وسائل کے بغیر تنہا پی ڈی ایم کی11 سیاسی جماعتوں کے جلسے کا جواب دے گی۔

واضح رہےکہ پارٹی چیئرمین مصطفیٰ کمال آج کراچی سمیت پورے پاکستان کے عوام کا مقدمہ لڑیں گے اور مسائل کا حل پیش کریں گے۔