ایرانی وزیرخارجہ آج پاکستان پہنچیں گے

شبین رضا

10th Nov, 2020. 10:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایرانی وزیرخارجہ آج پاکستان پہنچیں گے

ایرانی وزیرخارجہ آج پاکستان پہنچیں گے۔

تفصیلات کے مطابق ایران کے وزیر خارجہ محمد جواد ظریف 2 روزہ دورے پر پاکستان آ رہے ہیں، اس دوران جواد ظریف وزیراعظم ، وزیر خارجہ اور آرمی چیف سے ملاقاتیں کریں گے۔

سفارتی ذرائع کا کہنا ہے کہ ایران کے نمائندہ خصوصی برائےافغانستان محمدابراہیم بھی ایرانی سفیر کے ہمراہ وفد کا حصہ ہوں گے۔

ذرائع کا مزید کہنا ہے کہ ایرانی وزیر خارجہ جواد ظریف کے ہمراہ پاکستان آنے والا وفد سیاسی اور اقتصادی سطح کا ہے۔

ایرانی وزیر خارجہ دورہ پاکستان میں صدر مملکت ڈاکٹرعارف علوی اور اسپیکر قومی اسمبلی اسد قیصر سے بھی ملاقاتیں کریں گے۔

ملاقاتوں میں باہمی تعلقات، افغانستان میں قیام امن، افغان امن عمل، پاک ایران اقتصادی تعلقات، پاک ایران سرحدی انتظامی امور اور غیر قانونی منشیات و انسانی اسمگلنگ پر تبادلہ خیال کیا جائے گا۔