انتخابات جیت کر گلگت کی تقدیر بدل دیں گے، بلاول بھٹو

شبین رضا

01st Nov, 2020. 04:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انتخابات جیت کر گلگت کی تقدیر بدل دیں گے، بلاول بھٹو

بلاول بھٹو زرداری نے کہا ہے کہ گلگت انتخابات جیت کر یہاں کی تقدیر بدل دیں گے۔

تفصیلات کے مطابق چیئرمین پیپلز پارٹی بلاول بھٹو زرداری نے گلگت بلتستان کے علاقے غزر میں انتخابی جلسے سے خطاب کرتے ہوئے کہا کہ گلگت انتخابات جیت کر یہاں کی تقدیر بدل دیں گے کیونکہ گلگت کے عوام کو سہولیات فراہم کرنا پیپلز پارٹی کے منشور کا حصہ ہے۔

انھوں نے کہا کہ ہم گلگت بلتستان کے عوام کو روز گار فراہم کریں گے ، جنہوں نے پاکستان کا ساتھ دیا اور ہم ہی شہید بھٹو کے مشن کو آگے بڑھائیں گے، بھٹو نے آپ کو ظلم سے آزادی دلائی اور آپ کو آواز دی۔

بلاول بھٹو نے کہا کہ آپ سب کو گلگت بلتستان کی آزادی مبارک ہو لیکن یہ آزادی گلگت بلتستان کی عوام نے خود چھینی ہے، گلگت بلتستان کی عوام کو صرف پیپلز پارٹی کے دور میں ہی حقوق ملتے ہیں۔

چیئرمین پیپلز پارٹی نے مزید کہا کہ شہید بھٹو نے گندم، چینی اور نمک پر سبسڈی کا بندوبست کیا اور انہوں نے ہی ایف سی آر کا خاتمہ کیا تھا، پیپلز پارٹی نے غربت اور بے روزگاری سے نجات دلانے کے لیے اقدام کیے۔