پاکستان مسلم لیگ ن کے قائد نواز شریف اور پارٹی صدر شہباز شریف کی والدہ بیگم شمیم ​​اختر کی نماز جنازہ جمعہ کی صبح ریجنٹ پارک مسجد میں ادا کی جائے گی۔

خاندانی ذرائع نے اس بات کی تصدیق کی ہے کہ نماز جنازہ جمعہ کی صبح ادا کرنے کے لئے انتظامات کردیئے گئے ہیں اور اس کے فورا بعد ہی لاش کو جاتی عمرہ میں تدفین کے لئے پاکستان روانہ کیا جائے گا۔

فیملی ذرائع نے بتایا کہ میت کو قطر یا برٹش ایئرویز کے توسط سے پاکستان بھیج دیا جائے گا۔ جلد ہی فلائٹ کو حتمی شکل دی جائے گی ۔

ریجنٹ پارک مسجد کے ترجمان نے بتایا کہ شریف فیملی نے مسجد انتظامیہ کو بتایا ہے کہ نماز جنازہ جمعہ کی صبح ادا کی جائے گی اور جمعرات تک مسجد انتظامیہ کو 30 شرکا کی ایک فہرست فراہم کی جائے گی۔

مسجد کے ترجمان نے بتایا کہ ہم نے شریف فیملی کو آگاہ کیا ہے کہ حکومتی قانون کے تحت احاطے میں 30 سے ​​زیادہ افراد کو داخلے کی اجازت نہیں ہوگی اور صرف منظور شدہ فہرست میں شامل افراد ہی داخلے حاصل کرسکیں گے۔

واضح رہےکہ اتوار کی صبح 89 سالہ شمیم ​​اختر کی وفات کے دو دن بعد ویسٹ منسٹر کارونر نے شریف خاندان کو موت کا سرٹیفکیٹ اور وطن واپسی کی منظوری فراہم کرنے کے بعد آخری رسومات کا انتظام کیا گیا تھا۔

بیگم شمیم ​​اختر  صبح 7:00بجے کے قریب ایون فیلڈ فلیٹوں میں انتقال کر گئیں تھیں جہاں وہ اپنے بڑے بیٹے نواز شریف اور پوتے پوتیوں کے ساتھ رہ رہی تھیں۔

شریف فیملی کے چند ممبر میت کے ساتھ پاکستان جائیں گے۔

سابق وزیر خزانہ اسحاق ڈار کا اس بارے میں کہنا ہے کہ  سابق وزیر اعظم اور مسلم لیگ (ن) کے سربراہ نواز شریف اپنی والدہ کی میت کے ساتھ پاکستان نہیں جاسکیں گے۔

اسحاق ڈار نے بتایا کہ ڈاکٹرز کی طرف سے نواز شریف کو مشورہ دیا گیا ہے کہ وہ بیمار صحت کی وجہ سے سفر نہ کریں۔

بیگم شمیم ​​اختر کو سینے میں شدید انفیکشن ہوا تھا اور وہ الزائمر کے مرض کے میں بھی مبتلا تھیں، گذشتہ ہفتے سے ان کی حالت خراب ہوگئی تھی ۔

ان کی میت کو فی الحال ریجنٹ پارک مسجد کی مردہ خانے میں رکھا گیا ہے۔