وفاقی وزیرتعلیم کے زیر صدارت بین الصوبائی وزرائے تعلیم کے اجلاس میں ملک میں تعلیمی اداروں کو کھلے رکھنے اور موسم سرما کی تعطیلات سے متعلق اہم فیصلے کر لئے گئے ہیں۔

تفصیلات کے مطابق اجلاس میں شرکا نے اتفاق کیا ہے کہ موجودہ صورتحال میں تعلیمی ادارےبند کرنےکی ضرورت نہیں، تعلیمی ادارےکھلےرہیں گے تاہم تعلیمی اداروں میں ہرصورت ایس اوپیزپرعملدرآمد کرایاجائے۔

وزیرتعلیم شفقت محمود کی زیرصدارت بین الصوبائی وزرائےتعلیم اجلاس ہوا۔

اجلاس میں وزارت صحت کے حکام نے کورونا صورتحال پر بریفنگ دی۔

صوبائی وزرائے تعلیم، اعلیٰ حکام نے اجلاس میں ویڈیو لنک کے ذریعے شرکت کی۔

اجلاس میں صوبوں نے موسم سرما کی کم سے کم تعطیلات یا تعطیلات نہ ہونے پر اتفاق کیا۔

ذرائع کے مطابق اجلاس میں فیصلہ کیا گیا ہے کہ پنجاب میں موسم سرما کی تعطیلات نہیں ہوں ، موسم سرما کی کم سے کم تعطیلات یا نہ کرنے کا فیصلہ صوبوں پر منحصر ہوگا۔

مزید پڑھیں

بین الصوبائی وزرائے تعلیم کا اجلاس آج ہوگا

ملک بھر میں تعلیمی اداروں میں بڑھتے ہوئے کورونا کیسز پر وفاقی...

اس کے ساتھ ساتھ اپریل سےاگست تک کےتعلیمی سال ، آٹھویں،نویں ،دسویں کےبورڈ امتحانات پربھی کوئی فیصلہ نہ ہو سکا۔

بین الصوبائی وزرائےتعلیم کا اگلا اجلاس اگلے ماہ دسمبر میں ہوگا۔

دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے مزید 26 افراد جاں بحق ہوگئے۔

جس کے بعد اموات کی تعداد 6 ہزار 893 ہوگئی۔ پاکستان میں کورونا کے تصدیق شدہ کیسز کی تعداد 3 لاکھ 38 ہزار 875 ہوگئی۔

 معاون خصوصی ڈاکٹر فیصل سلطان کا کہنا تھا کہ کورونا کیسز کی تعداد میں بتدریج اضافہ ہو رہا ہے، مثبت کیسز کی یومیہ شرح 4.9 فیصد تک پہنچ گئی ہے ، شہریوں کو کورونا ایس او پیز پر سختی سے عملدرآمد کرنا ہوگا۔