مسلم لیگی رہنما مریم اورنگزیب کا کہنا ہے کہ عمران خان سلیکٹڈ کے ساتھ ساتھ بے حس اور ظالم بھی ہیں۔

تفصیلات کے مطابق ترجمان پاکستان مسلم لیگ ن مریم اورنگزیب نے میڈیا سے گفتگو کرتے ہوئے کہا وزیراعظم یہ دیکھنے لاہور آئے تھے کہ شہباز شریف کو جیل میں سہولتیں تو نہیں مل رہیں، عمران خان اس لیے آئے کہ کہیں شہباز شریف کو کرسی تو نہیں مل گئی۔

مریم اورنگزیب کا کہنا تھا 50 لاکھ گھر، ایک کروڑ نوکریوں میں سے ایک گھر، نوکری بھی نہیں دی گئی، 18 ماہ سے حمزہ شہباز جیل میں ہیں، ایک روپے کی بھی کرپشن ثابت نہ ہو سکی، حمزہ شہباز نے عدالت کو آگاہ کیا بکتر بند گاڑی کی بریکس فیل ہیں، حمزہ شہباز کو جس بکتربند گاڑی میں لایا گیا اس کو حادثہ بھی پیش آیا۔

واضح رہےکہ پاکستان مسلم لیگ ن کے صدرشہبازشریف اور ان کے صاحبزادے حمزہ شہبازشریف کی پیرول پر رہائی کل 27 نومبر دوپہر 2 بجے ہوگی۔

ذرائع محکمہ داخلہ پنجاب کے مطابق  وزیراعلی پنجاب سردار عثمان بزدار نے کابینہ کی سفارشات پر بھیجوائی گئی سمری کی منظوری دیدی۔

زرائع وزیراعلی آفس کے مطابق وزیراعلی نے شہبازشریف اور حمزہ شہبازکو 5 روز کےلئے پے رول پر رہائی کی منظوری دی۔

واضح رہےکہ پنجاب کابینہ نے تھروسرکولیشن 5 روز کےلئے پے رول پر رہائی کی منظوری دی تھی۔

کابینہ ممبران سے منظوری لینے کے بعد محکمہ ایس اینڈ جی اے ڈی کیبنٹ ونگ نے وزیراعلی پنجاب سردار عثمان بزدار کو سمری بھیجوائی تھی۔