وزیر خارجہ شاہمحمود قریشی نے کہا ہے کہ اسلاموفوبیا کے بڑھتے ہوئے رجحان کے خلاف پاکستان سمیت پوری دنیا کے مسلمانوں میں گہری تشویش پائی جاتی ہے ۔

تفصیلات کے مطابق وزیر خارجہ نے سوموار کو اپنے جرمن کے ہم منصب ہائیکو ماس کے ساتھ ٹیلیفونک رابطہ کیا جس میں دونوں وزرائے خارجہ کے مابین ،دو طرفہ تعلقات،کورونا عالمی وبائی صورتحال، افغانستان میں قیام امن سمیت مختلف امور پر تبادلہ خیال کیا گیا۔

وزیر خارجہ شاہ محمود قریشی نے کہا ہے کہ اسلاموفوبیا کے بڑھتے ہوئے رجحان پر قابو پانے کیلئے، عالمی سطح پر بین المذاہب ہم آہنگی سمیت موثر اقدامات اٹھانے کی ضرورت ہے۔

 وزیر خارجہ مخدوم شاہ نے کورونا وبا کے باعث جرمنی میں ہونیوالے جانی نقصان پر جرمن وزیر خارجہ سے اظہار تعزیت کیا اور کہا کہ کورونا وبا کے پھیلاو کو روکنے کیلئے جرمن حکومت کی موثر حکمت عملی قابلِ تحسین ہے ۔

وزیر خارجہ نے پاکستان میں کورونا وبا کے پھیلاو کو روکنے کیلئے جرمن حکومت کی جانب سے فراہم کی جانیوالی معاونت پر جرمن وزیر خارجہ کا شکریہ ادا کیا۔

افغان قیادت کے پاس، بین الافغان مذاکرات کی صورت میں ایک نادر موقع موجود ہے ان مذاکرات کا نتیجہ خیز ہونا، افغانستان میں دیرپا امن و استحکام کیلئے ناگزیر ہے، پاکستان نے ہمیشہ افغان قیادت میں، افغانوں کیلئے قابلِ قبول جامع مذاکرات کی حمایت کی ہے ۔

زیر خارجہ نے، بھارت کی جانب سے مقبوضہ جموں و کشمیر میں جاری انسانی حقوق کی مسلسل اور سنگین خلاف ورزیوں کے حوالے سے بھی جرمن ہم منصب کو آگاہ کیا۔