شہرقائد میں یخ بستہ ہواؤں کا راج برقرار ہے جس کے باعث سردی کی شدت میں بھی اضافہ ہوگیا ہے۔

محکمہ مو سمیات کے مطابق آج کم سے کم درجہ حرارت 7 ڈگری سینٹی گریڈ جبکہ ہوا میں نمی کا تناسب 37 فیصد ریکارڈ کیا گیا ۔

 شہر میں 10 سے 12 کلومیڑ فی گھنٹے کی رفتار سے ہوائیں چل رہی ہیں۔

آج دن میں گرد آلود سرد ہوائوں کا سلسلہ جاری رہنے کا امکان ہے جبکہ دن میں درجہ حرارات 24 ڈگری سینٹی گریڈ تک رہے گا۔

دن میں ہوائیں 35 سے 40 کلومیٹر فی گھنٹے کی رفتار سے چل رہی ہے، چند دنوں میں درجہ حرارت میں کمی اور سردی کی شدت میں اضافے کا بھی امکان ہے۔

محکمہ موسمیات کی جانب سے آئندہ چند دنوں میں سردی کی شدت میں اضافے کی پیشگوئی کی گئی ہے۔

دوسری جانب محکمہ موسمیات کا کہنا ہے کہ بلوچستان کے بیشتر اضلاع میں موسم سرد اور خشک جبکہ شمالی بلوچستان مٰیں شدید سرد رہےگا۔

کوئٹہ میں ہوا میں نمی کا تناسب13 فیصد، قلات میں46 فیصد ریکارڈ کیا گیا۔

کوئٹہ میں کم سے کم درجہ حرارت منفی 9،قلات میں منفی 12،ژوب میں منفی 4 ،ڈگری سینٹی گریڈ ریکارڈ کیا گیا۔

سبی میں 2،نوکنڈی میں صفر،دالبندین میں منفی 2ڈگری سینٹی گریڈ ریکارڈ کیا گیا۔

 محکمہ موسمیات کے مطابق تربت میں12 ،پنجگور میں صفر ،گوادر میں07 ،پسنی میں اورجیونی میں 08ڈگری سینٹی گریڈ ریکارڈ کیا گیا۔