افغان امن عمل میں مزید پیش رفت کے لئے افغان طالبان کا سیاسی کمیشن وفد پاکستان پہنچ گیا ہے۔

تفصیلات کے مطابق ترجمان دفتر خارجہ کی جانب سے جاری بیان کے مطابق وفدکی قیادت ملاعبدالغنی برادرکریں گے، وفد کا یہ دورہ تین روز پر مشتمل ہے۔

ترجمان دفتر خارجہ کے مطابق وفد وزیراعظم اور وزیرخارجہ سے ملاقاتیں کرےگا۔

دورے کا مقصد افغان امن عمل کےحوالےسے صورتحال کا جائزہ لینا ہے، پاکستان پر عزم ہے کہ افغانستان کی سپورٹ جاری رکھےگا۔

دوسری جانب افغان میڈیا نے بھی طالبان پولیٹیکل کمیشن کے دورہ پاکستان کی تصدیق کرتے ہوئے کہا ہے کہ افغان طالبان کا وفد آج سے 18 دسمبر تک پاکستان کا دورہ کرے گا، افغان طالبان کا وفد وزیراعظم عمران خان اور پاکستان کے وزیر خارجہ شاہ محمود قریشی سے ملاقات کرے گا

پاکستان کے نمائندہ خصوصی برائے افغانستان محمد صادق نے کہا ہے کہ یہ دورہ گزشتہ سال دوحہ میں شروع ہونے والے امن مذاکرات میں پاکستان کی پالیسی کا حصہ ہے۔

 پاکستان افغانستان اور خطے میں پائیدار امن ، استحکام اور خوشحالی کے لئے وسیع البنیاد اور جامع سیاسی حل کی حمایت کرتا ہے۔

A delegation of the Taliban Political Commission (TPC), headed by Mullah Abdul Ghani Baradar, is visiting Pakistan on 16-18 December. The delegation will meet with the Foreign Minister and call on the Prime Minister.

— Mohammad Sadiq (@AmbassadorSadiq) December 16, 2020

واضح رہے کہ دو روز قبل آرمی چیف جنرل قمر جاوید باجوہ سے امریکی نمائندہ خصوصی برائے افغانستان زلمے خلیل زاد نے ملاقات کی تھی۔

The visit is part of Pakistan’s policy to reach out to key Afghan parties in peace negotiations that commenced in Doha last September. Pakistan supports broad-based and comprehensive political settlement for durable peace, stability and prosperity in Afghanistan and the region.

— Mohammad Sadiq (@AmbassadorSadiq) December 16, 2020

زلمے خلیل زاد نے خطے میں امن و استحکام کے لیے پاکستان کے کردار کی تعریف کی اس موقع پر افغانستان میں امریکی فوج کے سربراہ جنرل آسٹن ملر بھی موجود تھے۔