حکومت نے نیشنل پارک سروس شروع کی ہے، ملک امین اسلم

عروبہ خان

03rd Dec, 2020. 12:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے نیشنل پارک سروس شروع کی ہے، ملک امین اسلم

وزیراعظم کے معاون خصوصی برائے موسمیاتی تبدیلی ملک امین اسلم نے کہا ہے کہ حکومت نے نیشنل پارک سروس شروع کی ہے۔

پریس انفارمیشن ڈیپارٹمنٹ میں پریس کانفرنس کر تے ہوئے معاون خصوصی برائے موسمیاتی تبدیلی ملک امین اسلم کا کہنا تھا کہ نانگا پر بت اور ہمالیہ نیشنل پارک کا افتتاح کیا گیا ہے۔

انہوں نے بتایا کہ حکومت نے نیشنل پارک سروس شروع کی ہے ،پانچ ہزار نوجوانوں کو نوکری دی جائے گی ،نوجوان نیشنل پارک کے لئے تربیت یافتہ ہونگے۔

ان کا کہنا تھا کہ بلین ٹری پر سپریم کورٹ کا نوٹس خوش آئند ہے، حکومت ماحولیات کے حوالے سے پرعزم ہے ،ماحولیات کے شعبے میں بہتری کی ضرورت ہے، دنیا میں ماحولیاتی تبدیلی سے متاثرہ ممالک میں پاکستان پانچویں نمبر پر ہے اور ماحولیاتی تبدیلی کا سب سے سستا طریقہ درخت لگانا ہے۔

ان کا مزید کہنا تھا کہ سپریم کورٹ میں بلین ٹری منصوبے کی مکمل تفصیلات مہیا کی جائے گی کیونکہ سابقہ حکومت نے دس سال میں لاہور کا ستر فیصد گرین کور ختم کر دیا ہے۔

انکا کہنا تھا کہ ملک میں 43کروڑ درخت لگا چکے ہیں، دو ہزار اکیس تک ایک ارب درخت لگانے کا حدف مکمل کریں گے۔