حکومت مخالف تحریک میں استعفوں کے معاملے پر شش وپنج کا شکار پیپلز پارٹی نے بڑا فیصلہ کرلیا ہے۔

ذرائع پیپلز پارٹی کے مطابق پیپلزپارٹی کے تمام ایم این ایز، سینیٹرز اور رکن سندھ اسمبلی کو استعفے دینے کا حکم مل گیا ہے۔

چیئرمین پیپلزپارٹی بلاول بھٹو ذرداری نے پی پی ایم این ایز، سینیٹرز اور ایم پی ایز کو پیر تک استعفے جمع کرانے کا حکم دے دیا ہے۔

پیپلزپارٹی ذرائع کا دعوی ہے کہ تمام ارکان کو استعفے اسپیکر کے نام لکھ کر چیئرمین پیپلزپارٹی بلاول بھٹو کو جمع کرانے کا حکم دیا گیا ہے۔

پیپلزپارٹی کی قیادت نے سی ای سی ممبران سمیت شریک چیرمین آصف علی زرداری اور بلاول بھٹو کی مشاورت کے بعد استعفے دینے کا فیصلہ کیا ہے۔

واضح رہےکہ اس سے قبل پیپلزپارٹی کے اراکین پارلیمان اسممبلیوں سے استعفے کے فیصلوں پر تقسیم ہوگئے تھے، بعض پی پی اراکین پارلیمان نے استعفے کے فیصلے پر تحفظات کا اظہار کیا تھا، اراکین کا موقف تھا کہ دوسری جماعت کے دباؤ پراستعفےکا فیصلہ درست نہیں۔

پی پی کسی جماعت کی خواہش کی تکمیل کے لیے قربانی نہ دے، پی پی نے ماضی میں ہمیشہ استعفوں کی مخالفت کی۔

پاکستان پیپلز پارٹی کے چیئرمین بلاول بھٹو زرداری آج دوپہر جاتی امرا میں مسلم لیگ ن کی نائب صدر مریم نواز سے ملاقات بھی کریں گے۔

بلاول بھٹو مسلم لیگی رہنما مریم نواز سے ان کی دادی بیگم شمیم اختر کے انتقال پر اظہارتعزیت کریں گے، دونوں رہنما 13 دسمبر کے جلسے اور سیاسی امور پر بھی تبادلہ خیال کریں گے۔