محکمہ صحت سندھ کا کہنا ہے کہ سندھ حکومت نے کورونا وائرس ویکسین سے متعلق لائحہ عمل تیار کرلیا۔

محکمہ صحت سندھ کے مطابق حیدرآبادکے تمام اضلاع کے ایڈیشنل ڈپٹی کمشنر ون فوکل پرسن ہوں گے، اے ڈی سی ون ہرضلع میں ہیلتھ افسران کے ساتھ مل کرویکسین انتظامات کو یقینی بنائیں گے۔

پہلے مرحلے میں طبی عملےکی ویکسین کےعمل کو مکمل کیا جائے گا اور دوسرے مرحلے میں 60 سال تک کی عمرکےافراد کو کورونا وائرس سے بچاؤ کی ویکسین دی جائےگی۔

محکمہ صحت سندھ کا مزید کہنا ہے کہ مختلف امراض میں مبتلا افراد کی ویکسین کو تیسرے مرحلے میں مکمل کیا جائے گا جبکہ چوتھے اور آخری مرحلے میں عام افراد کو ویکسین لگائی جائےگی۔

واضح رہےکہ عالمی ادارہ صحت (ڈبلیو ایچ او) کے عہدیداروں نے سال 2020 کی آخری پریس کانفرنس کا انعقاد کیا ، جس میں کورونا وائرس کو ’ویک اپ کال‘ قراردےدیا۔

اس موقع پر پریس کانفرنس کے دوران حکام کا کہنا تھا کہ کورونا وائرس کے بعد اس سے زیادہ مہلک انفیکشنز ہوسکتی ہیں، کورونا سے ہم نے بہت کچھ سیکھا ہے اور سیکھ بھی رہے ہیں۔

ڈبلیو ایچ او حکام نے کہا کہ مختلف اقدامات کے ذریعے کورونا وبا پر قابو پایا جا سکتا ہے، عہدیداروں نےعزم کا اظہار کیا کہ ہم یہ جنگ ہار نہیں سکتے۔

انہوں نے مزید کہا کہ ہمیں مل کر کام کرنا ہوگا اور کورونا وائرس کو شکست دینی ہو گی۔

مزید پڑھیں

مستقبل میں آنے والی وباؤں سے بچنے کیلیے کچھ کرنا ہو گا، سربراہ ڈبلیو ایچ او

عالمی ادارہ صحت (ڈبلیو ایچ او) کے سربراہ کا کہنا ہے کہ...