وزیراعلی سندھ  نے پارٹی قیادت کے حکم پر استعفیٰ جمع کرادیا۔

ذرائع کے مطابق وزیراعلی سندھ مراد علی شاہ نے امریکا روانگی سے قبل استعفیٰ بلاول ہائوس جمع کرایا۔

مرتضی وہاب نے بھی وزیراعلی سندھ کے استعفے کی تصدیق کرتے ہوئے کہ ہے کہ وزیراعلی سندھ نے باقی ممبران کی طرح رکنیت سے استعفیٰ جمع کروایا ہے۔

انھوں نے مزید کہا کہ وزیراعلی سندھ کہیں نہیں بھاگے۔ وہ  24 تاریخ کو کابینہ کے اجلاس کی صدارت کریں گے۔

واضح رہے کہ حکومت مخالف تحریک میں استعفوں کے معاملے پر شش وپنج کا شکار پیپلز پارٹی نے گزشتہ دنوں بڑا فیصلہ کرتے ہوئے پارٹی کے تمام ایم این ایز، سینیٹرز اور رکن سندھ اسمبلی کو استعفے دینے کا حکم دیا تھا ۔

ذرائع کے مطابق پیپلزپارٹی کے تمام ایم این ایز، سینیٹرز اور رکن سندھ اسمبلی کو چیئرمین پیپلزپارٹی بلاول بھٹو ذرداری نے پیر تک استعفے جمع کرانے کا حکم دیاتھا۔

پیپلزپارٹی ذرائع کا دعوی ہے کہ تمام ارکان کو استعفے اسپیکر کے نام لکھ کر چیئرمین پیپلزپارٹی بلاول بھٹو کو جمع کرانے کا حکم دیا گیا۔

پیپلزپارٹی کی قیادت نے سی ای سی ممبران سمیت شریک چیرمین آصف علی زرداری اور بلاول بھٹو کی مشاورت کے بعد استعفے دینے کا فیصلہ کیا۔

یاد رہےکہ اس سے قبل پیپلزپارٹی کے اراکین پارلیمان اسممبلیوں سے استعفے کے فیصلوں پر تقسیم ہوگئے تھے، بعض پی پی اراکین پارلیمان نے استعفے کے فیصلے پر تحفظات کا اظہار کیا تھا، اراکین کا موقف تھا کہ دوسری جماعت کے دباؤ پراستعفےکا فیصلہ درست نہیں۔

پی پی کسی جماعت کی خواہش کی تکمیل کے لیے قربانی نہ دے، پی پی نے ماضی میں ہمیشہ استعفوں کی مخالفت کی۔

مزید پڑھیں

استعفوں کا معاملہ، پیپلز پارٹی نے بڑا فیصلہ کرلیا

حکومت مخالف تحریک میں استعفوں کے معاملے پر شش وپنج کا شکار...