مسلم لیگی رہنما مریم نواز کی طرف ایم پی ایز اور ایم این ایز کو دئیے جانے والے ظہرانے کی اندرونی کہانی سامنے آگئی ہے۔

تفصیلات کے مطابق مسلم لیگ ن کی مرکزی نائب صدر اور سابق وزیراعظم نواز شریف کی صاحبزادی مریم نوازکو تمام ایم پی ایز اور ایم این ایز نے اپنے لیٹر ہیڈ پر استعفی جمع کروا دئیے ہیں۔

مریم نواز نے لانگ مارچ کے لیے تمام ممبران سے تین دن کے اندر تجاویز بھی مانگ لیں۔

مریم نواز کا کہنا تھا کہ لانگ مارچ کے لیے بھر پور طریقے سے جانا ہے ، لاہور کے جلسے میں کچھ بد انتظامی تھی لانگ مارچ میں ایسا نہیں ہونا چائیے۔

انھوں نے کہا کہ سب اپنی اپنی تجویز نام کے ساتھ لکھ کر لائیں۔

ذرائع کے مطابق ظہرانے پر وقت پر نہ پہنچنے والوں کو مریم نواز نے وراننگ دی کے اب لیٹ ہوئے تو اندر آنے کی اجازات نہیں ہوگی۔

 گزشتہ روز پی پی پی چیئرمین بلاول بھٹو زرداری نے مسلم لیگ(ن) کے نائب صدر مریم نواز سے ٹیلیفونک رابطہ  کیا۔

دونوں رہنماؤں نے اتفاق کیا کہ پی ڈی ایم کے کامیاب جلسوں سے حکومت بوکھلاہٹ کا شکار ہوگئی ہے رابطے کے دوران مجموعی سیاسی صورتحال پر تبادلہ خیال کیا گیا ۔

پی ڈی ایم کے نوجوان سرکردہ رہنماؤں نے سینیٹ کے آئندہ انتخابات کے متعلق حکمت عملی پر بھی تبادلہ خیال کیا۔

جاری بیان کے مطابق اس بات پر اتفاق کیا گیا ہے کہ سینیٹ میں کسی کو ایسے غیر آئینی ہتھکنڈے دہرانے نہیں دیں گے کہ وہ 2018 کے الیکشن بن جائیں۔

بلاول بھٹو زرداری نے مریم نواز کو شہید محترمہ بینظیر بھٹو کی برسی کے جلسے میں شرکت کی دعوت بھی دی