ن لیگی اراکین اسمبلی کے استعفے آنا شروع

شبین رضا

08th Dec, 2020. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ن لیگی اراکین اسمبلی کے استعفے آنا شروع

مسلم لیگ ن کے ارکانِ اسمبلی نے استعفے قیادت کو بھجوانے شروع کر دیئےہیں.

تفصیلات کے مطابق مسلم لیگ ن کے پارٹی ذرائع نے اس بات کی تصدیق کی ہے کہ مسلم لیگ ن کے لاہور سے ایم این اے افضل کھوکھر، ایم پی اے سیف کھوکھر نے قیادت کو استعفے بھیج دیئے ہیں۔

پارٹی ذرائع کا کہنا ہے کہ سرگودھا سے ایم این اے حامد حمید اور رانا منور غوث نے استعفے بھیج دئیے ہیں۔

بصیر پور سے ایم پی اے افتخار چھچھر نے بھی استعفیٰ بھیج دیا۔

ن لیگی رہنما عظمیٰ بخاری نے اس حوالے سے بتایا ہے کہ مسلم لیگ ن کے ایم این از اور ایم پی از نے اپنے استعفے بھیجنے شروع کر دیئے ہیں

انہوں نے یہ بھی بتایا ہے کہ پارٹی کی جانب سے اپنے ارکانِ قومی و صوبائی اسمبلی سے ابھی استعفے طلب نہیں کیے گئے ہیں۔

مسلم لیگ ن کے مرکزی رہنما احسن اقبال کا کہنا ہے کہ پارٹی قیادت نے ابھی تک استعفوں کی ہدایات جاری نہیں کیں لیکن جب فیصلہ ہوا تو سب مستعفی ہوں گے۔

سابق وزیراعظم شاہد خاقان عباسی کا کہنا ہے کہ استعفے سنجیدہ آپشن ہے اور اس کا حتمی فیصلہ پی ڈی ایم کی میٹنگ میں ہوگا، اپوزیشن جماعتوں کے اتحاد پی ڈی ایم کے اجلاس میں اجلاس آج مستقبل کا لائحہ عمل طے کیا جائے گا۔