کراچی ، ضلع غربی کے 5 سب ڈویژنز میں لاک ڈاؤن

شبین رضا

04th Dec, 2020. 04:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی ، ضلع غربی کے 5 سب ڈویژنز میں لاک ڈاؤن

عالمی وبا کورونا کیسز کے بڑھتے ہوئے کیسز کے باعث شہرقائد کے ضلع غربی کے 5 سب ڈویژنز میں مائیکرو اسمارٹ لاک ڈاؤن لگادیا گیا ہے۔

تفصیلات کے مطابق ضلعی انتظامیہ کی جانب سے جاری نوٹیفکیشن کے مطابق مائیکرو اسمارٹ لاک ڈاؤن کا نفاذ 23 رہائشی یونٹس میں ہوگا۔

مائیکرو اسمارٹ لاک ڈاؤن سب ڈویژن بلدیہ،سب ڈویژن گڈاپ، سب ڈویژن کیماڑی، اورنگی کی یو سز اور سب ڈویژن سائٹ کی کچھ یونین کونسلز میں لگادیا گیا ہے۔

ذرائع کے مطابق مائیکرو اسمارٹ لاک ڈاؤن فیصلے کا اطلاق آج رات 12 بجے سے ہوگا۔

واضح رہےکہ ملک بھر میں کورونا سے بچاو کیلئے آج یومِ دعا منایا گیا، جمعہ کے اجتماعات میں کورونا سے تحفظ کے لیے دعائیں بھی کی گئیں۔

صدر مملکت عارف علوی کی زیرصدارت کورونا کے حوالے سے ہونے والی وڈیو کانفرنس میں کورونا سے بچاؤ کیلئے آج ملک بھر میں یوم دعا منانے کا فیصلہ کیا گیا تھا۔

صدر مملکت کا اس بارے میں کہنا تھا کہ مساجد میں ایس او پیز پر عمل درآمد کو یقینی بنایا جائے گا۔

کورونا سے بچاؤ کیلئے اللہ سے رجوع ضروری ہے جبکہ وفاق المدارس نے کورونا ایس او پیز پر عمل کرنے کی یقین دہانی کرائی ہے۔