وزیراعظم عمران خان نے کہا ہے کہ پاکستان ماحولیاتی آلودگی سے دنیا میں پانچواں سب سے زیادہ متاثر ہونے والا ملک ہے لیکن اب پاکستان کلین انرجی کی جانب گامزن ہے۔

وزیراعظم کا کہنا تھا کہ ہماری حکومت نے فیصلہ کیا ہے کہ کوئلے سے مزید توانائی پیدا نہیں کریں گے تاہم کوئلے سے چلنے والے پلانٹ کی جگہ ہائیڈرو پاور پلانٹ لگانے کا فیصلہ کیا ہے۔

Prime Minister @ImranKhanPTI's address to the #ClimateAmbitionSummit 2020.#COP26 #ClimateAction pic.twitter.com/uAEcv0eYDB

— Prime Minister's Office, Pakistan (@PakPMO) December 12, 2020

وزیراعظم کا کہنا تھا کہ 2030 تک مجموعی توانائی کے 60 فیصد کو کلین انرجی پر منتقل کرنے کا ہدف ہے اور اسکے علاوہ 2030تک 30فیصد گاڑیوں کو بجلی پر منتقل کرنے کا ہدف بھی مقرر کیا گیا ہے۔

وزیراعظم نے بتایا ہے کہپاکستان ماحولیاتی تبدیلی کے اثرات پر قابو پانے کیلئے تمام ممکن اقدامات کریگا کیونکہ پاکستان اگلے تین سال میں 10ارب پودے اگائے گا، ہم نیشنل پارک کی تعداد میں اضافہ کر رہے ہیں ۔

یاد رہے کہ ان تمام خیالات کا اظہار وزیراعظم عمران خان نے موسمیاتی تبدیلیوں پر پیرس معاہدے کی 5ویں سالگرہ پر بین الاقوامی ورچوئل سمٹ میں اپنے خطاب کے دوران کیا ہے۔

اس دوران وزیراعظم عمران خان نے کہا ہے کہ پاکستان کا ماحولیاتی آلودگی میں حصہ ایک فیصد سے بھی کم ہے۔