شدید دھند کے باعث موٹروے ٹریفک کیلئے بند

شبین رضا

15th Jan, 2021. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شدید دھند کے باعث موٹروے ٹریفک کیلئے بند

پنجاب کے کئی علاقوں میں دھند کے بادل چھا گئے، ہر منظر دھندلا گیا۔

تفصیلات کے مطابق پنجاب کے مختلف علاقوں میں شدید دھند کے باعث ہر شے دھندلا گئی، موٹروے بھی کئی مقامات سے ٹریفک کیلئے بند کر دی گئی ہے جبکہ فلائٹس کا شیڈول بھی متاثر ہوا۔

شیخوپورہ، پنڈی بھٹیاں، چیچہ وطنی میں دھند کے باعث حد نگاہ انتہائی کم رہنے سے شہریوں کو پریشانی کا سامنا کرنا پڑا۔

ساہیوال، پتوکی، اوکاڑہ اور دیگر کئی علاقوں میں شدید دھند سے ٹریفک کی روانی متاثر ہوئی۔

موٹروے پولیس نے دھند میں شہریوں کو بغیر ضرورت سفر سے گریز کرنے کی ہدایت کر دی۔

دھند کے باعث فلائٹس کا شیڈول بھی متاثر ہوا، لاہور ایئر پورٹ پر فلائٹ آپریشن معطل ہوگیا۔

پروازوں میں تاخیر سے مسافروں کو مشکلات کا سامنا رہا۔

محکمہ موسمیات کے مطابق آج بھی ملک کے اکثر علاقوں میں موسم خشک رہے گا۔

شمالی بلوچستان، بالائی خیبرپختونخوا، کشمیر اور گلگت بلتستان میں سردی کی شدت برقرار رہے گی۔