معاون خصوصی پنجاب فردوس عاشق اعوان نے کہا ہے کہ ہم ٹائیفائڈ پر قابو پانے میں ناکام رہے ہیں لیکن پاکستان کو ٹائیفائڈ فری بنانا ہے۔

تفصیلات کے مطابق تقریب سے فردوس عاشق اعوان نے خطاب کرتے ہوئے کہا ہے کہ ہیلتھ اسٹرکچر، اصلاحات، عوامی مفاد مشکل ترین حالات کے باوجود حکومت کی اولین ترجیح ہے جبکہ ڈویلپمنٹ سیکٹر ترجیحات میں دوسرے نمبر پر رکھا گیاہے۔

انہوں نے بتایا کہ این جی آوز کے ساتھ مل کر آگہی مہم شروع کریں گے تاہم ستیاب وسائل میں اس مہم کو کامیاب بنائیں گے۔

فردوس عاشق اعوان نے کہا ہے کہ ای پی آئی پروگرام کے اندر پاکستان پہلا ملک ہے جو حفاظتی ٹیکے لگانے جا رہا ہے جس میں فیز ون میں 12 ڈسٹرکٹ میں 9 ماہ سے 15 سال کے بچوں کو ویکسئین لگائی جائے گی۔

تاہم دوسرے فیز میں 24 شہروں میں 1 کروڑ 94 بچوں کو یونیورسل ہیلتھ پروگرام کے تحت بچوں کو ویکسین لگائی جائے گی۔

ان کا کہنا تھا کہ پہلے کرونہ فری، پولیو فری بنایا اور اب پاکستان کو ٹائیفائڈ فری بنانا ہے۔

انہون نے مزید کہا کہ وزیراعظم کی زیرنگرانی ہر دیہات، ہسپتال میں ہیلتھ کوریج کو یقینی بنایا جائے گا اور حکومتی کی کاوشوں سے غریب کو بھی یہ سہولیات دستیاب ہوں گی۔