انشاءاللہ پی ڈی ایم کا لانگ مارچ ہو گا, مریم نواز

انشاءاللہ پی ڈی ایم کا لانگ مارچ ہو گا، مریم نواز

شبین رضا

04th Jan, 2021. 03:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انشاءاللہ پی ڈی ایم کا لانگ مارچ ہو گا، مریم نواز

مسلم لیگی رہنما مریم نواز کا کہنا ہے کہ پی ڈی ایم کا لانگ مارچ کا بالکل پلان ہے اور انشاءاللہ لانگ مارچ ہو گا۔

تفصیلات کے مطابق بہاولپورمیں مسلم لیگ ن کی نائب صدر اور سابق وزیراعظم نواز شریف کی صاحبزادی مریم نوازنے میڈیا ٹاک سے گفتگو کرتے ہوئے کہاکہ جب آپ کو عوام سے اتنا پیار ملتا ہے محبت ملتی ہےتو انسان میں مزید عاجزی بھی آجاتی ہے اور اللہ تعالٰی کا شکر بھی ادا کرتی ہوں ۔

انھوں نے کہاکہ بہاولپور کی عوام کا خصوصی طور پر شکریہ ادا کرتی ہوں ،میں نے سنا کے بہاولپور والے اتنے سیاسی نہی ہیں، پر بہاولپور نے کل خود اپنا ریکارڈ توڑا ہے ،کل آٹھ نو گھنٹے لگاتار جس طرح بہاولپور کی عوام آئے۔

مریم نواز نے کہاکہ میرے ساتھ پیدل بھی چلے ،گاڑیوں میں، مختلف جگہوں پر میرا جس طرح استقبال کیا ،مجھے محبت سے نوازا میں شکر گزار ہوں۔

انھوں نے پی ڈی ایم کے لانگ مارچ سے متعلق با ت کرتے ہوئے کہاکہ تاریخ کا اعلان لوگوں کی سہولت اور موسم کو دیکھ کر کریں گے، 31جنوری جب آئے گی ہم دیکھیں گے کہ وہ اگر عزت سے جانے پر راضی نہیں ہے تو پھر انشاءاللہ عوام کچھ اور فیصلہ کرے گی۔