حق خود ارادیت کشمیریوں کا بنیادی و اصولی حق ہے

حق خود ارادیت کشمیریوں کا بنیادی و اصولی حق ہے، وزیراعلی سندھ

شبین رضا

05th Jan, 2021. 03:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حق خود ارادیت کشمیریوں کا بنیادی و اصولی حق ہے، وزیراعلی سندھ

مجھے شہر صاف ستھرا اور عوام کی گزرگاہوں پر کسی قسم کی کوئی رکاوٹ منظور نہیں، وزیراعلیٰ سندھ

وزیراعلیٰ سندھ کا کہنا ہے کہ حق خود ارادیت کشمیریوں کا بنیادی و اصولی حق ہے۔

تفصیلات کے مطابق کشمیریوں کے یوم حق خود ارادیت سے متعلق جاری اپنے پیغام میں وزیراعلیٰ سندھ مراد علی شاہ نے کہا کہ کوئی بھی حربہ کشمیریوں کو ان کے بنیادی حق سے محروم نہیں کرسکتا، حق خود ارادیت کشمیریوں کا بنیادی و اصولی حق ہے، ہم کشمیری کے ساتھ انکے حق کے حصول میں شانہ بشانہ کھڑے ہیں۔

انہوں نے کہا کہ آج کے دن اقوام متحدہ کی سلامتی کونسل نے کشمیریوں کا حق تسلیم کیا، کشمیریوں کے سیاسی مستقبل کیلئے اقوام متحدہ نے رائے شماری کا وعدہ کیا، بھارت مختلف ہتھکنڈوں سے اس قراداد پر عمل کرانے سے انکاری ہے۔

مراد علی شاہ نے کہا کہ آج کے دن کشمیری ہرسال کی طرح اپنا حق خود ارادیت مناتے ہیں، کوئی حربہ کشمیریوں کو بنیادی حق سے محروم نہیں کرسکتا۔

وزیراعلیٰ سندھ نے کہا کہ کشمیریوں پر بھارتی مظالم اور انسانی حقوق کے پامالیوں کا سلسلہ بند کیا جائے، کشمیریوں کو انکا حق خودارادیت دیا جائے جوکہ انکا حق ہے۔

واضح رہےکہ دنیا بھر میں بھارتی درندگی اور ریاستی دہشت گردی کے خلاف کشمیری آج حق خودارادیت منارہے ہیں۔

بہتر سال پہلے پانچ جنوری انیس سو انچاس میں اقوام متحدہ میں کشمیریوں کو حق خوداردیت دینے کے لیے قرارداد پیش کی گئی تھی، بھارت نے اقوام متحدہ کی قرادادوں کو پامال کرتے ہوئے کشمیریوں کو ان کے بنیادی حق سے محروم رکھا ہے، جس سے کشمیریوں کی حق خودارادیت کی تحریک تیز سے تیز تر ہوتی گئی۔

مقبوضہ کشمیر میں سخت کرفیو اور خصوصی آئینی حیثیت کے خاتمے نے بھی مظلوموں کی ہمت کمزور نہ ہونے دی، آزادی کا جذبہ لیے کشمیری آج ملک بھر میں احتجاجی ریلیاں نکالیں گے۔

وزیراعظم عمران خان نے عالمی برادری سے مطالبہ کیا کہ جدید تاریخ کے انتہائی ظالمانہ، غیر انسانی اور غیرقانونی قبضے سے آزادی کی جدوجہد میں پاکستان اپنے کشمیریوں بھائیوں کے ساتھ شانہ بشانہ کھڑا ہے۔

کشمیری عوام کا یوم خودارادیت منانے کا مقصد بھارتی مظالم کو دنیا کے سامنے بے نقاب کرنا ہے۔