ملائشیا میں روکا گیا پی آئی اے کا طیارہ وطن واپسی کیلئے روانہ

شبین رضا

29th Jan, 2021. 12:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملائشیا میں روکا گیا پی آئی اے کا طیارہ وطن واپسی کیلئے روانہ

قومی انٹرنیشنل ایئر لائن (پی آئی اے) کا ملائیشیا میں تحویل میں لیا جانے والا طیارہ پاکستان کے لیے روانہ ہو گیا ہے۔

ذرائع کے مطابق پی آئی اے کا بوئنگ 777 طیارہ شام 5 بجے ملائیشیا سے اسلام آباد پہنچے گا۔

گزشتہ روز پی آئی اے نے ملائیشیا میں ضبط کیے گئے طیارے کو چھڑوانے کے لیے لیزنگ کمپنی کو ایک ارب روپے سے زائد کی رقم ادا کیے تھے، مسافر طیارہ پی آئی اے کے حوالے کردیا گیا تھا۔

قومی ایئرلائن اور لیزنگ کمپنی کی رضامندی سے ملائیشیا کی عدالت نے کیس خارج کر دیا۔

دوسری جانب ترجمان پی آئی اے نے کہا تھا کہ جہاز کو مسافر پرواز کے طور پر آپریٹ کرکے واپس لایا جائے گا، طیارہ واپس لانے کیلئے عملے کو پاکستان سے روانہ کر دیا گیا تھا۔

واضح رہےکہ طیارے کو 15 جنوری کو ملائشیا کی عدالت کے حکم پر کوالپمور ایئر پورٹ پر ٹیک آف سے روک دیا گیا تھا۔

27 جنوری کو دونوں فریقین کے درمیان معاملہ طے پاگیا تھا، عدالت نے مقدمہ خارج کر کے جہاز پاکستانی حکام کے حوالے کرنے کا حکم دیا تھا۔