پاکستان میں کورونا وائرس کے باعث مزید 48 افراد انتقال کر گئے ، جس سے اموات کی کل تعداد 11 ہزار 295 ہوگئی ہے۔

تفصیلات کے مطابق نیشنل کمانڈاینڈآپریشن سینٹر سے کورونا کیسز کے تازہ ترین اعداد و شمارجاری کئے گئے ، ان اعدادوشمار کے مطابق 24 گھنٹے میں مزید48 کرونا مریضوں کا انتقال ہوگیا ، جس سے مجموعی اموات11ہزار295ہوگئیں۔

این سی او سی نے بتایا کہ 24گھنٹےمیں40ہزار285ٹیسٹ کئے گئے ، جس میں سے ایک ہزار594نئےکیسزرپورٹ ہوئے ، جس کے بعد ملک میں کروناوائرس کے فعال کیسزکی تعداد 34 ہزار628 اور متاثرہ افراد کی مجموعی تعداد 5 لاکھ 32 ہزار 412 تک پہنچ گئی ہے۔

نیشنل کمانڈاینڈ آپریشن سینٹر کا کہنا تھا کہ ملک میں 24گھنٹےمیں کرونا وائرس کےٹیسٹ مثبت آنےکی شرح 3.95فیصد ہے اور ملک میں کرونا4 لاکھ 86 ہزار 489 افراد صحتیاب ہو چکے ہیں۔

صوبوں کی صورتحال

این سی او سی کا کہنا ہے کہ پاکستان میں اب تک کورونا سے سب سے زیادہ اموات پنجاب میں ہوئی ہیں ، جہاں 4 ہزار 523 افراد جان سے گئے۔

سندھ میں 3 ہزار855، خیبر پختونخوا میں ایک ہزار 823، اسلام آباد461، گلگت بلتستان میں 102، بلوچستان میں 192 اور آزاد کشمیر میں 248 افراد جاں بحق ہوچکے ہیں۔