مسلم لیگی ترجمان نے کہا ہے کہ پاکستان اندھیرے میں ڈوبا ہے اور کسی کو معلوم نہیں کہ ایسا کیوں ہوا۔

تفصیلات کے مطابق ملک بھر میں بجلی کے بڑے بریک ڈاؤن پر ردعمل دیتے ہوئے پاکستان مسلم لیگ ن کی ترجمان مریم اورنگزیب نے کہا ہے کہ نااہل، نالائق حکومت کو کچھ علم ہی نہیں، وزرا اور ترجمانوں کی فوج عملی طور پر اندھیرے میں ہے۔

انھوں نے کہاکہ نااہلی کی ایک قیمت اور سزا ہے جسے آج پوری قوم ادا کر رہی ہے۔

پاور بریک ڈاؤن: مرحلہ وار بحالی کا آغاز

پاور بریک ڈاؤن کے سبب پورا ملک رات کے وقت تاریکی میں ڈوبا گیا اور 9 سے زائد گھنٹے گزرجانے کے باوجود بیشترعلاقے اب بھی بجلی سے محروم ہیں تاہم بحالی کا سلسلہ بھی جاری ہے۔

سندھ/ کراچی

شہرقائد میں مرحلہ وار بجلی کی بحالی کا سلسلہ جاری ہے۔

جن علاقوں میں بجلی بحال ہوئی ہے ان میں نیا ناظم آباد، فیڈرل بی ایریا بلاک 14 اور 16 شامل ہیں۔

سائٹ ایریا، اورنگی اور منگو پیر میں بھی بجلی بحال ہوئی ہے۔

کے الیکٹرک کی جانب سے اپنے سسٹم سے بجلی بحالی کا کام جاری ہے۔

ولیکا، کے ڈی اے ، فیڈرل بی ، ائیرپورٹ ون ، جوہر کے کچھ مقامات پربھی بجلی بحال  ہو گئی ہے۔

لانڈھی، ملیر اور شاہ فیصل کے کچھ مقامات پر بجلی بحال کردی گئی ،تاحال نصف شہر میں بجلی غائب ہے۔

اب تک صدر ٹاؤن، لیاری ٹاون، بلدیہ ٹاؤن اور کلفٹن اور پی ای سی ایس کے علاقے بجلی سے محروم ہیں۔

اس کے علاوہ نارتھ ناظم آباد، کھارادر میٹھادر میں بجلی غائب ہے۔

ترجمان کے الیکٹرک کا کہنا ہے کہ کے الیکٹرک کی انجنیرنگ ٹیمز بجلی کی مکمل بحالی کے لیے مصروف عمل ہیں۔

پنجاب

پنجاب میں بھی بجلی کی بحالی کا سلسلہ جاری ہے۔ ملتان میں ایک سو بتیس کے وی کے آٹھ گرڈز پر بجلی کی سپلائی بحال کر دی گئی ہے۔

تربیلا پاور ہاؤس کے تین یونٹس چلا دیئے گئے ہیں اور بعض علاقوں میں بجلی جزوی بحال ہوگئی ہے۔

خیبرپختونخوا میں بھی بجلی کی بحالی جاری ہے۔

ورسک پاور ہاؤس اور مردان گرڈ سے بیشتر علاقوں کو بجلی کی سپلائی، پشاور میں132 کے وی کے چار گرڈ ز پر بھی بجلی بحال ہوچکی ہے۔

بلوچستان

بلوچستان میں بجلی کی سپلائی بحال نہ ہوسکی،  کوئٹہ، سبی، تربت اور چمن سمیت کئی شہر تاحال بجلی سے محروم ہیں۔

وزیر توانائی کابیان