راولپنڈی میں جاری منصوبے شہر کی ٹرانسفارمیشن میں اہم سنگ میل ثابت ہوگے، وزیراعظم

عروبہ خان

11th Feb, 2021. 04:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راولپنڈی میں جاری منصوبے شہر کی ٹرانسفارمیشن میں اہم سنگ میل ثابت ہوگے، وزیراعظم

وزیراعظم عمران خان نے نالہ لئی کے حوالے سے ہدایت کی ہے کہ منصوبے پر فوری طور پر کام شروع کیا جائے کیونکہ راولپنڈی کے مسائل حل کرنا اولین ترجیح ہے۔

تفصیلات کے مطابق وزیرِاعظم عمران خان کی زیر صدارت نالہ لئی منصوبے کے حوالے سے اجلاس منعقد ہوا ہے۔

اجلاس میں وزیرِ اعظم نے نالہ لئی منصوبے کی منظوری دیتے ہوئے منصوبے کے حوالے سے کہا ہے کہ منصوبہ راولپنڈی شہر کی ٹرانسفارمیشن میں اہم سنگ میل ثابت ہوگا۔

وزیراعظم کو اجلاس کے دوران منصوبے کے حوالے سے بریفنگ دیتے ہوئے بتایا ہے کہ اس منصوبے کا تخمینہ 75ارب روپے ہے اور یہ منصوبہ دو سال میں مکمل کیا جائے گا۔

اس منصوبے کے تحت نالہ لئی کے دونوں اطراف ایکسپریس وے تعمیر کی جائے گی اور دو مال بھی بنائے جائیں گے تاہم منصوبے کو پبلک پرائیویٹ پارٹنرشپ ماڈل کے تحت مکمل کیا جائے گا۔

اس کے علاوہ وزیرِ اعظم کو راولپنڈی رنگ روڈ منصوبے اور اس میں پیش رفت پر تفصیلی بریفنگ بھی دی گئی ہے۔

اجلاس میں شیخ رشید احمد اور سینئر افسران سمیت معاون خصوصی برائے چیف منسٹر پنجاب ڈاکٹر سلمان شاہ اور چیف سیکرٹری پنجاب ویڈیو لنک کے ذریعے اجلاس میں شریک ہوئے ہیں۔