پنجاب: دو مقامات پر اسمارٹ لاک ڈاؤن نافذ

شبین رضا

19th Feb, 2021. 09:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب: دو مقامات پر اسمارٹ لاک ڈاؤن نافذ

پنجاب: عالمی وبا کورونا کے بڑھتے کیسز کے پیش نظر گجرات کے دو مقامات پر اسمارٹ لاک ڈاؤن نافذ کردیا گیا ہے۔

محکمہ پرائمری اینڈ سیکنڈری ہیلتھ کیئر کی جانب سے جاری نوٹیفکیشن کے مطابق کورونا کے بڑھتےکیسز کے باعث گجرات کےعلاقوں عقبی گلی جامعہ مسجد سوہال گورسیاں اور ایڈن اسٹریٹ رحمان شہید روڈ گجرات بھی اسمارٹ لاک ڈاون نافذ کیا گیاہے۔

سیکرٹری صحت محمد عثمان کے مطابق اسمارٹ لاک ڈاؤن کا مقصد ان علاقوں سے کورونا کے پھیلاؤ کو روکنا ہے۔

محکمہ صحت کے حکام نے عوام کو لاک ڈاؤن کی خلاف ورزی نہ کرنے کی ہدایت کی ہے جب کہ لاک ڈاؤن والے علاقوں میں باہر سے کسی کو آنے کی اجازت نہیں ہوگی۔

واضح رہےکہ گزشتہ 24 گھنٹوں کے دوران ملک میں کورونا کے مزید 1245 کیسز اور40 اموات رپورٹ ہوئیں۔

این سی اوسی کی جانب سے جاری اعداد و شمار کے مطابق پاکستان میں 24 گھنٹے کے دوران کورونا سے مزید 40 اموات اور 1245 کیسزرپورٹ ہوئے، جس کے بعد مجموعی اموات کی تعداد 12 ہزار527 جب کہ کورونا کیسز کی تعداد 5 لاکھ 68 ہزار 506 ہوگئی۔

ملک بھرمیں گزشتہ روز34 ہزار754 ٹیسٹ کیے گئے جب کہ ایک ہزار243 افراد وبا سے صحتیاب ہوگئے، مجموعی صحتیاب افراد کی تعداد 5 لاکھ 31 ہزار 840 ہوگئی۔