وفاقی وزیر برائے اطلاعات شبلی فراز نے این 75میں دوبارہ انتخابات کا مطالبہ کیا ہے۔
تفصیلات کے مطابق وفاقی وزیر برائے اطلاعات شبلی فراز نے میڈیا سے گفتگو کرتے ہوئے کہا ہے کہ ن لیگ نے خود 23 پولنگ اسٹیشن پر دوبارہ پولنگ کا مطالبہ کیا تھا۔
وفاقی وزیر نے بتایا کہ وزیراعظم نے ن لیگ کا چیلنج قبول کیا اور اب 23 پولنگ پر دوبارہ پولنگ کا اعلان بھی کیا ہے۔
شبلی فراز نے کہا ہے کہ سیاست کی خریدوفروخت کی روایت قائم کرنیوالی پارٹی سیخ پا ہے کیونکہ ن لیگ جو الیکشن جیتے وہ ٹھیک اور جو ہارے وہاں دھاندلی ہوئی ہے۔
انہوں نے سوال کرتے ہوئے کہا ہے کہ الیکشن کی شفافیت سے متعلق آپ کا دوہرا معیار کیوں ہے؟ جبکہ وزیراعظم عمران خان نے ہمیشہ چیلنجز قبول کیے اور اب آپ آج دھاندلی کا بھاشن دے رہے ہیں۔
ان کا کہنا تھا کہ ن لیگ نے آج تک کوئی الیکشن مہذب طریقے سے نہیں لڑا ہے لیکن ہمارے قائد کی پہچان ہے وہ کسی دباؤ میں نہیں آتے ہیں۔
انہوں نے مزید کہا ہے کہ ن لیگ میں چور مچائے چور والی صورتحال ہے جبکہ ن لیگ کا دامن کرپشن سے بھرا ہوا ہے۔
ان کا کہنا تھا کہ قوم ن لیگ سے پوچھے سینیٹ کے اوپن بیلٹ کی کیوں مخالفت کر رہی ہے کیونکہ اوپن ووٹنگ کی مخالفت وہ کرتا ہے جس کا خریداری کا ارادہ ہو۔
شبلی فراز نے کہا ہے کہ مخالفت کرنے والوں کا دوغلاپن قوم کے سامنے کھل کر عیاں ہو چکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News