وزیراعظم عمران خان کی زیر صدارت اجلاس ہوا ہے جس میں قبضہ مافیا کے خلاف کارروائی پر رپورٹ پیش کردی گئی ہے۔
دوران اجلاس وزیراعظم عمران خان کا کہنا تھا کہ قانون کی حکمرانی ہر صورت قائم رکھتے ہوئے قبضہ مافیا کے خلاف کارروائیاں جاری رہیں گی۔
وزیراعظم نے مرایم نواز کی نیب میں پیشی کے حوالے سے کہا ہے کہ مریم نواز کی پیشی پر کسی کو قانون ہاتھ میں لینے کی اجازت نہیں دیں گے۔
اجلاس میں وزیراعظم کو ملکی سیاسی صورتحال پر بریفنگ دی گئی ہے جبکہ دیگر اہم امور پر بھی گفتگو کی گئی ہے۔
اس حوالے سے وزیراعظم نے کہا ہے کہ کورونا کی تیسری لہر خطرناک ہے، ملک بھر میں کورونا ایس او پیز پر ہر صورت عملدرآمد کروایا جائے۔
وزیراعظم نے مزید کہا ہے کہ ملک بھر میں ہیلتھ کارڈ کے اجراء کے عمل کو تیز کیا جائے ۔
دوران اجلاس وزیراعظم عمران خان نے رمضان پیکج مزید بڑھانے کا عندیہ دیتے ہوئے کہا ہے کہ رمضان پیکج سے متعلق کسی قسم کی کوتاہی برداشت نہیں کریں گے۔
انہوں نے اپنی معاشی ٹیم کو ہدایات جاری کی ہیں کہ رمضان کے دوران عام ضرورت کی اشیاء سستی کی جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News