وزیراعظم عمران خان کی زیرِ صدارت تحریکِ انصاف کی پارلیمانی پارٹی کا اجلاس ہوا جس میں اعتماد کی تحریک کامیاب بنانے کی حکمت عملی پر غور کیا گیا۔

سینیٹ انتخابات میں اسلام آباد کی جنرل نشست پر حکومت کی شکست کے بعد وزیراعظم عمران خان نے قومی اسمبلی سے اعتماد کا ووٹ لینے کا فیصلہ کیا ہے۔

مزید پڑھیں

بلوچستان عوامی پارٹی کا اعتماد کے ووٹ میں وزیراعظم کی بھرپور حمایت کا اعلان

  بلوچستان عوامی پارٹی کی جانب سے اعتماد کے ووٹ میں وزیراعظم...

جس کے لئے صدرِ مملکت نے آئین کے آرٹیکل 91 کی شق 7 کے تحت قومی اسمبلی اجلاس کل طلب کیا ہے۔

وزیراعظم عمران خان کو ایوان کا اعتماد حاصل کرنے کے لیے 172 ارکان کی حمایت حاصل کرنا ہوگی۔

اگر وزیراعظم مطلوبہ ہدف حاصل کرنے میں ناکام رہے تو ایسی صورت میں اسپیکر قومی اسمبلی رولز 38 کے تحت صدرِ مملکت کو لکھیں گے کہ وزیراعظم ایوان کا اعتماد کھو بیٹھے ہیں۔

جس کے بعد صدر وزیراعظم کے دوبارہ انتخاب کے لیے اسپیکر قومی اسمبلی کو کہیں گے، قومی اسمبلی نئے وزیراعظم کا انتخاب کرے گی۔

وزیراعظم نے اتحادیوں کے مسائل ترجیحی بنیادوں پرحل کرنےکی یقین دہانی کرائی اور کہا کہ وہ اتحادیوں کے تحفظات دور کریں گے۔

اس موقع پر وزیراعظم نے کہا کہ اداروں میں شفافیت یقینی بنانے کے لیے جدوجہد جاری رہے گی۔