وزیراعظم عمران خان نے کہا ہے کہ 3 مارچ کو ہونے والے سینیٹ الیکشن کیلئے بدترین ہارس ٹریڈنگ کی گئی ہے۔

وزیر اعظم نے کہا ہے کہ الیکشن کمیشن خفیہ اداروں سے بریفنگ لے اور تحقیقات کرے تاکہ پتہ چلے سینیٹ الیکشن میں کتنا پیسہ چلا ہے۔

وزیراعظم کا کہنا تھا کہ ہم ایک ماہ سے جانتے تھے سینیٹ الیکشن کیلئے پیسہ جمع کیا جا رہا ہے۔

وزیراعظم عمران خان، اپوزیشن پر تنقید:

وزیراعظم عمران خان نے کہا ہے کہ خفیہ بیلٹ پر اصرار کا ایک مقصد کا حفیظ شیخ کو ہرانا تھا کیونکہ اپوزیشن کو ڈر تھا ان کے کرپشن کے کیسز میں معاف نہیں کروں گا۔

عمران خان نے کہا ہے کہ یوسف رضا گیلانی سپریم کورٹ کے احکامات پر عمل نہ کرنے پر نا اہل ہوا تھا لیکن آج یوسف رضا گیلانی ایسے پھر رہا ہے جیسے نیلسن منڈیلا ہو۔

وزیراعظم کا کہنا تھا کہ تیس سال سے انہوں نے قومکا پیسہ چوری کیا اور اب ان کو اپنی جائیداد کا خود نہیں پتہ ہے ۔

انہوں نے کہا ہے کہ ن لیگ اور پیپلز پارٹی کی گزشتہ دس سال کی حکومت پاکستان کا سیاہ ترین دور تھا۔

وزیراعظم نے کہا ہے کہ ایک شہزادہ ایک شہزادی نے کبھی کام نہیں کیا اور نا ان کو پتہ ہے کہ جدوجہد کیا ہوتی ہے جبکہ میں نے زندگی بھر جدوجہد کی ہے اور اڑھائی سال کی حکومت میری زندگی کی مشکل ترین جدوجہد رہی ہے۔

وزیراعظم عمران خان، ایف اے ٹی ایف:

انہوں نے بتایا کہ ہماری وجہ سے پاکستان گرے لسٹ میں نہیں گیا اور اگر پاکستان پر فیٹف کی پابندیاں لگ جاتیں تو ملک کا برا حال ہوتا۔

انہوں نے مزید کہا ہے کہ مغربی ممالک میں اعلیٰ اخلاقی اقدار ہیں لیکن ہمارے ہاں جو ہورہا ہے اس کو دیکھ کر شرمندگی ہوتی ہے۔

وزیراعظم نے کہا ہے کہ آصف زرداری دنیا بھر میں کرپٹ مشہور ہے  اور لوگ کہہ رہے ہیں ایک زرداری سب پر بھاری، نواز شریف ڈاکو ملک کو لوٹ کر جھوٹ بول کر باہر بھاگ گیا اور آج نواز شریف ملک سے باہر بیٹھ کر حکومت کے خلاف پلان بنا رہا ہے۔

وزیراعطم عمران خان، ووٹنگ سسٹم:

وزیراعظم عمران خان نے الیکشن کے نظام پر بات کرتے ہوئے کہا ہے کہ انتخابات کیلئے الیکٹرانک مشینز لیکر آرہے ہیں، امریکہ کی طرز پر ووٹنگ سسٹم پاکستان میں معترف کرائیں گے کیونکہ امریکہ نے ٹرمپ نے دھاندلی کا الزام لگایا تو ووٹ نکال کر تحقیقات کر لیں گئیں۔

وزیراعظم عمران خان، پاکستانی معیشت:

وزیراعظم عمران خان نے کہا ہے کہ گزشتہ حکومتوں نے مہنگے ترین ایل این جی کے معائدے گیے جس سے متیشن پر بہت برا اثر پڑا اورمہنگائی کا سب سے زیادہ پریشر ہے۔

انہوں نے کہا ہے کہ بیرون ملک مقیم پاکستانیوں نے ریکارڈ پیسہ پاکستان بھیجا ہے جس سے پاکستان کا کرنٹ اکاؤنٹ خسارہ کم ہورہا ہے جو خوش آئند ہے۔

وزیراعظم عمران خان کا کہنا تھا کہ حکومت عوام پر مہنگائی کا بوجھ کمکرنے کیلئے اقدامات کر رہے ہیں  اور احساس پروگرام کے ذریعے نچلے طبقے کی مدد کریں گے۔