وفاقی کابینہ نے رمضان پیکج کی منظوری دے دی ہے۔

تفصیلات کے مطابق وزیر  اعظم  عمران خان کی زیر صدارت وفاقی کابینہ کا اہم اجلاس ہوا۔

کابینہ اجلاس میں ممنوعہ اسلحہ کے لائسنس کے اجرا کی منظوری دے دی گئی۔  نیشنل بک فاؤنڈیشن کے ایم ڈی کی تقرری کی  بھی منظوری دی گئی۔

وفاقی کابینہ  نے  چیئرمین کراچی پورٹ ٹرسٹ کے اضافی چارج کی منظوری بھی دے دی۔ سندھ انفراسٹرکچر ڈویلپمنٹ کمپنی کے سی ای او کے اضافی چارج کی منظوری دے دی گئی۔

اجلاس میں   گیس کی ترقیاتی اسکیموں پر عملدرآمد کا جائزہ لیا گیا۔ رولز آف بزنس 1973 میں ترامیم کا ایجنڈا موخر کردیا گیا۔

وفاقی کابینہ کو کو  نقصان میں جانے والے سرکاری اداروں کے فرانزنک آڈٹ کے بارے میں پیش رفت پر  بریفنگ بھی دی گئی۔

اجلاس میں  سوشل ویلفیئر فنڈ 2021 کے استعمال کےلیے  رہنما اصولوں کی منظوری  بھی دی گئی۔

اس کے علاوہ پاکستان میں مقیم افغان مہاجرین کے رجسٹریشن کارڈز کی مدت میں توسیع کردی گئی۔

وفاقی کابینہ نے رمضان پیکج کی منظوری   بھی دےدی۔  ایف نائن پارک پاک چین دوستی سینٹر اور فاٹا ہاؤس کے مختلف امور کے لیے استعمال کا ایجنڈا موخر کردیا گیا۔

اجلاس میں  جی بی اسکاؤٹس کی 17 پلاٹونز کو داخلی سیکیورٹی کے استعمال کی منظوری  دی گئی۔  نیشنل کونسل برائے ہومیو پیتھی کے چیئرمین اور وائس چیئرمین کے نوٹیفکیشن کی منظوری بھی دے دی گئی۔

کابینہ نے اقتصادی رابطہ کمیٹی کے 10 مارچ کے فیصلوں کی توثیق  بھی کردی۔