ترجمان سندھ حکومت مرتضی وہاب نے کہا ہے کہ خان صاحب نے غربت کو نہیں غریب کو ختم کیا ہے کیونکہ یہ حکومت آئی ایم ایف کے حقوق کی جنگ لڑ رہی ہے۔
مرتضی وہاب نے میڈیا سے گفتگو کرتے ہوئے کہا ہے کہ حکومت کہتی ہے کہ معیشت درست سمت جارہی ہے، اگر معیشت درست سمت میں جارہی ہوتی تو کیا مہنگائی میں اضافہ ہوتا؟ مہنگائی کے طوفان نے ایک عام آدمی کو جکڑ کر رکھا ہوا ہے۔
مرتضیٰ وہاب نے کہا ہے کہ بنیادی اشیاء کی قیمتوں میں مسلسل اضافہ ہورہا ہے اور معیشت کو پیروں پر کھڑا کرنے کے دعوے داروں کو پتہ ہے اشیاء خوردنوش کی قیمتیں کہاں پہنچ چکی ہیں۔
ان کا کہنا ہے کہ وزیر اعظم نے عوام سے مہنگائی اور غربت کو ختم کرنے کا وعدہ کیا تھا لیکن وہ غریب کو ختم کررہے ہیں، روزگار چھین رہے ہیں۔
انہوں نے کہا ہے کہ عمران خان کی بے خبری کے باعث عوام کا استحصال ہورہا ہے۔
مرتضیٰ وہاب نے وزیراعظم صاحب سے سوال کرتے ہوئے کہا ہے کہ امپورٹ میں مسلسل اضافہ اور برآمدات میں کی ہورہی ہے اس کا ذمہ دار کون ہے؟
اسکے علاوہ وعورتوں کے عالمی دن کے موقع پر انہوں نے تمام ماؤں، بہنو اور بیٹیوں کو مبارک باد پیش کی اور کہا ہے کہ خواتین کے حقوق کی جنگ پیپلز پارٹی کے منشور کا حصہ ہے لیکن افسوس ہے کہ موجودہ حکومت نے خواتین کیلئے کوئی اقدام نہیں کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News