سینیٹ انتخابات آئین کے مطابق ہوں گے ،سپریم کورٹ

سینیٹ انتخابات آئین کے مطابق ہوں گے، سپریم کورٹ

طیب بلوچ

01st Mar, 2021. 09:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سینیٹ انتخابات آئین کے مطابق ہوں گے، سپریم کورٹ

سینیٹ انتخابات سے متعلق صدارتی ریفرنس میں سپریم کورٹ کی جانب سے حتمیٰ رائے ہے کہ سینیٹ انتخابات آئین کے مطابق ہوں گے ۔

تفصیلات کے مطابق سینیٹ الیکشن میں صدارتی ریفرنس کی رائے کو چیف جسٹس کی سربراہی میں پانچ رکنی لارجر بنچ نے سنائی ہے جس میں 4 ججز کی جانب سے ریفرنس پر متفقہ رائے دی گئی ہے جبکہ جسٹس یحیٰ آفریدی نے رائے سے اختلاف کیا ہے۔

اس ضمن میں سپریم کورٹ نے اپنی رائے میں کہا کہ آئین کے آرٹیکل 226 کے تحت سینیٹ الیکشن ہوں گے، الیکشن کمیشن سینیٹ انتخابات کے لئے تمام اقدامات کرے۔

سپریم کورٹ کی جانب سے کہا گیا ہے کہ الیکشن کمیشن جدید ٹیکنالوجی کا استعمال کرے تاکہ کرپٹ پریکٹسز کو روکا جاسکے۔

تاہم اس حوالے سے اٹارنی جنرل نے کہا عدالت جو بھی رائے دے گی حکومت اس پر عمل کرنے کی پابند ہوگی۔

یاد رہے کہ چیف جسٹس کی سربراہی میں 5 رکنی لارجر بنچ نے 4 جنوری کو پہلی سماعت کی، صدارتی ریفرنس پر سپریم کورٹ میں مجموعی طور پر 20 سماعتیں ہوئیں۔

عدالت نے پیپلزپارٹی، ن لیگ، جے یو آئی، جماعت اسلامی اور وکلاء تنظیموں کا موقف بھی سنا تھا جس پر چیف الیکشن کمشنر نے کہا تھا کہ اگر سینیٹ انتخابات اوپن بیلٹ سے کرانے ہیں تو آئین میں ترمیم کی جائے۔