وزیراعظم عمران خان نے کہا ہے کہ خوشحال معاشرہ ہی سڑکیں اور عمارتیں بناتا ہے اور سڑک پلاننگ کے تحت بنائی جائے تو اسکا فائدہ ہوتا ہے۔
وزیراعظم عمران خان نے کہا ہے کہ شندورسڑک منصوبےسے علاقے میں ترقی ہوگی کیونکہ یہ سڑک چترال کو گلگت سے جوڑے گی اور سیاحت کےفروغ سے ان علاقوں میں خوشحالی آئے گی۔
وزیراعظم نے کہا ہے کہ سیاحت سے علاقے اور پاکستان کو فائدہ ہوگا، بدقسمتی سے پچھلے سال کورونا کی وجہ سے سیاحت بندکرنی پڑ گئی تھی۔
وزیراعظم نے کہا ہے کہ سوئٹزرلینڈ ہمارے شمالی علاقوں کا آدھا بھی نہیں ہے لیکن بدقسمتی سےہمارےحکمرانوں کوان علاقوں کی خوبصورتی کا معلوم نہیں ہے۔
وزیراعظم نے بتایا کہ جیسے جیسے معاشرہ خوشحال ہوتا ہے فنڈز بڑھتے جاتے ہیں اور فنڈ اتنانہیں کہ ساری سڑکیں بناسکیں ۔
ان خیالات کا اظہار وزیراعظم عمران خان نے دورہ پشاور میں آدم خیل، چترال شندور سڑکوں کی بحالی کی تقریب سے خطاب کے موقع پر کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
