وزیر اعظم عمران خان سے سیلانی ٹرسٹ کے وفد نےاسلام آباد میں ملاقات کی۔

ملاقات میں سیلانی ٹرسٹ نے وزیر اعظم کے احساس پروگرام “کوئی بھوکا نہ سوئے” اقدام کا بھرپور خیر مقدم کیا اور ملک کے مختلف شہروں میں اس پروگرام کے دائرۂ کار کو وسعت دینے کی پیشکش کی۔

وزیر اعظم عمران خان سے سیلانی ٹرسٹ کے وفد کی اسلام آباد میں ملاقات۔ pic.twitter.com/SVwDtfKqZ3

— Prime Minister’s Office, Pakistan (@PakPMO) April 11, 2021

اس موقع پر وزیر اعظم عمران خان نے احساس لنگر خانوں اور “کوئی بھوکا نہ سوئے” پروگرام میں سیلانی ٹرسٹ کی خدمات کو سراہا اور اس پروگرام کو وسعت دینے کے لیے حکومت کی جانب سے ہر ممکن سہولت مہیا کرنے کی یقین دہانی کروائی۔

ملاقات میں ممبر قومی اسمبلی فرخ حبیب نے بھی شرکت کی جبکہ سیلانی ٹرسٹ کے وفد میں بشیر فاروق، افضل چمڈیا، منظر عالم، فرخ امین، عرفان واحد، سلمان اقبال، امتیاز حسین اور یوسف لاکھانی شامل تھے۔