متحدہ عر ب امارات کے ساتھ تعلقات کے مزید فروغ کے لئے پرعزم ہیں، وزیر خارجہ

عروبہ خان

19th Apr, 2021. 04:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

متحدہ عر ب امارات کے ساتھ تعلقات کے مزید فروغ کے لئے پرعزم ہیں، وزیر خارجہ

وزیر خارجہ شاہ محمود قریشی نے کہا ہے کہ پاکستان، متحدہ عر ب امارات کے ساتھ تعلقات کے مزید فروغ کے لئے پرعزم ہے۔

تفصیلات کے مطابق وزیر خارجہ شاہ محمود قریشی کی ابو ظبی میں اماراتی سینئر وزیر شیخ نہیان بن مبارک النہیان سے ملاقات ہوئی ہے۔

دوران ملاقات دو طرفہ تعلقات، مختلف باہمی دلچسپی کے شعبہ جات میں دو طرفہ تعاون کے فروغ ،بالخصوص دو طرفہ تجارت کے حجم میں اضافے کے حوالے سے تبادلہ خیال ہوا ہے۔

https://twitter.com/SMQureshiPTI/status/1384043508978176003

ملاقات کے دوران اماراتی سینئر وزیر کی جانب سے متحد ہ عرب امارات کی تعمیر و ترقی میں پاکستانی کمیونٹی کے کردار کی تعریف کی گئی ہے۔

اس موقع پر شاہ محمود قریشی کا کہنا تھا کہ پاکستان اپنی اقتصادی ترجیحات پر توجہ مرکوز کیے ہوئے ہے۔

وزیر خارجہ کی جانب سے یقین دہانی کرائی گئی ہے کہ پاکستان اکتوبر میں ہونے والی بین الاقوامی نمائش ایکسپو میں شرکت بھی کرے گا۔

متحدہ عرب امارات کے سینئر وزیر نے بڑھتے ہوئے دوطرفہ تعلقات کا خیر مقدم کرتے ہوئے مختلف شعبوں میں دوطرفہ تعاون کے فروغ کے لئے اپنے مکمل تعاون کا عندیہ دیا ہے۔