وزیر خارجہ امن مشن کے لئے بدھ کو تہران پہنچیں گے

ویب ڈیسک

20th Apr, 2021. 11:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر خارجہ امن مشن کے لئے بدھ کو تہران پہنچیں گے

وزیر خارجہ شاہ محمود قریشی امن مشن کے لئے بدھ کو تہران پہنچیں گے۔

اس ضمن میں ذرائع کا کہنا ہے کہ متحدہ عرب امارات کے دورے کے بعد شاہ محمود قریشی بدھ کو تہران پہنچیں گے۔

ذرائع کا کہنا ہے کہ وزیر خارجہ شاہ محمود قریشی ایران کا دو روز دورہ کریں گے جہاں وہ ایرنی ہم منصب سے ملاقات کریں گے۔

دورہ ایران کے دوران شاہ محمود قریشی کی ایران کے صدر ڈاکٹر حسن روحانی اور ایرانی مشیر قومی سلامتی علی لاریجانی سے بھی ملاقاتیں متوقع ہیں۔

وزیر خارجہ کے دورہ ایران کے دوران پاک ایران مشترکہ سرحد پر تیسری راہداری کھولی جائے گی۔

وزیر خارجہ ایرنی حکام کے ہمراہ پاک ایران تیسری سرحد کھولنے کی تقریب میں بھی شرکت کریں گے۔

ایران میں ملاقاتوں کے دوران پاک ایرن تعلقات میں بہتری، انسداد دہشت گردی، افغانستان میں قیام امن اور ایران سعودی عرب تناؤ میں کمی پر خصوصی بات چیت کی جائے گی۔

ملاقاتوں میں پاک ایرن سرحدی انتظام، انسانی و منشیات اسمگلنگ پر بھی بات ہوگی۔

خیال رہے کہ شاہ محمود قریشی متحدہ عرب امارات، ایران، قطر اور ترکی کا نو روزہ دورہ کر رہے ہیں۔