وزیراعظم نے فراش ٹاؤن اپارٹمنٹس کا سنگِ بنیاد رکھ دیا، اعلامیہ جاری

عروبہ خان

08th Apr, 2021. 03:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم نے فراش ٹاؤن اپارٹمنٹس کا سنگِ بنیاد رکھ دیا، اعلامیہ جاری

وزیرِاعظم عمران خان نے آج فراش ٹاؤن اپارٹمنٹس کا سنگِ بنیاد رکھ دیا ہے جس کا اعلامیہ بھی جاری کردیا گیا ہے۔

جاری اعلامیے کے مطابق فراش ٹاؤن اپارٹمنٹس کا منصوبہ ایف ڈبلیو او، سی ڈی اے اور نیا پاکستان ہاؤسنگ اینڈ ڈویلپمنٹ اتھارٹی کے اشتراک سے تین سال کی مدت میں مکمل ہوگا۔

وزیرِ اعظم عمران خان نے نیا پاکستان ہاؤسنگ اتھارٹی کے منصوبے فراش ٹاؤن اپارٹمنٹس اسلام آباد کا سنگِ بنیاد رکھ دیا۔ pic.twitter.com/BFH5mWlxju
— Prime Minister's Office, Pakistan (@PakPMO) April 8, 2021

منصوبے میں جدید سہولیات سے آراستہ 3960 فلیٹس بنائے جائیں گے جو کہ مکینوں کو سستی رہائش فراہم کریں گے۔

فراش ٹاؤن اپارٹمنٹس کا منصوبہ 84 ایکڑ پر محیط ہے،اس منصوبے میں متوسط طبقے اور کچی آبادیوں کے مکینوں کیلئے خصوصی طور پر فلیٹس مختص کیے گئے ہیں۔

منصوبے کے ماحولیاتی پہلو کو مدنظر رکھتے ہوئے گرین بیلٹس اور پارکس کے قیام کو بھی خصوصی ترجیح دی گئی ہے جس کے لئے وزیراعظم کی موجودگی میں منصوبے کے ایم او یو پر بھی دستخط کیے گئے ہیں۔